News Flash

परदेशात जाण्याची परवानगी द्या; वढेरांची न्यायालयाकडे मागणी

जून महिन्यात न्यायालयाने वढेरा यांना अमेरिका आणि नेदरलॅण्ड्स येथे वैद्यकीय उपचारांसाठी जाण्यासाठी सहा आठवडय़ांची मुदत दिली होती

(संग्रहित छायाचित्र)

वैद्यकीय उपचार आणि व्यावसायिक कामासाठी परदेशामध्ये जाण्याची परवानगी द्यावी, अशी विनंती काँग्रेस पक्षाच्या अध्यक्षा सोनिया गांधी यांचे जावई रॉबर्ट वढेरा यांनी शनिवारी दिल्ली न्यायालयाकडे केली आहे.

रॉबर्ट वढेरा यांनी लंडनमधील १२, ब्रायनस्टन स्क्वेअर येथे १.९ दशलक्ष पौंडाची मालमत्ता खरेदी केली असून त्यासाठी मनीलॉण्डरिंग केल्याचा त्यांच्यावर आरोप आहे. रॉबर्ट वढेरा यांना ९ डिसेंबरपासून दोन आठवडय़ांसाठी स्पेनला जावयाचे आहे, असे वढेरा यांचे वकील केटीएस तुलसी यांनी विशेष न्यायाधीश अरविंदकुमार यांना सांगितले. याबाबत न्या. अरविंदकुमार यांनी सक्तवसुली संचालनालयास (ईडी) ९ डिसेंबपर्यंत म्हणणे मांडण्यास सांगितले आहे. त्याच दिवशी याबाबतची सुनावणी होणार आहे.

जून महिन्यात न्यायालयाने वढेरा यांना अमेरिका आणि नेदरलॅण्ड्स येथे वैद्यकीय उपचारांसाठी जाण्यासाठी सहा आठवडय़ांची मुदत दिली होती. मात्र वढेरा यांना ब्रिटनला जाण्याची अनुमती देण्यात आली नव्हती. न्यायालयाच्या पूर्वपरवानगीविना देशाबाहेर जाण्यास वढेरा यांना मज्जाव करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 8, 2019 1:00 am

Web Title: allow to travel abroad vaders demand court abn 97
Next Stories
1 बलात्काराच्या खटल्यांचा लवकर निवाडा करावा
2 चकमकीत मारल्या गेलेल्या आरोपींवर गुन्हे
3 एच १ बी व्हिसासाठी इलेक्ट्रॉनिक नोंदणी पूर्ण
Just Now!
X