News Flash

काश्मीरमध्ये मार्कोस, पॅरा आणि गरुड स्पेशल कमांडो फोर्सेस तैनात

दहशतवाद्यांविरुद्ध मोहीम राबवण्यासाठी रविवारपासून काश्मीर खोऱ्यात लष्कर, नौदल आणि एअर फोर्सच्या स्पेशल फोर्सेस तैनात करण्यात आल्या आहेत.

दहशतवाद्यांविरुद्ध मोहीम राबवण्यासाठी रविवारपासून काश्मीर खोऱ्यात लष्कर, नौदल आणि एअर फोर्सच्या स्पेशल फोर्सेस तैनात करण्यात आल्या आहेत. तिन्ही सैन्य दलांमध्ये समन्वय वाढविण्याच्या दृष्टीने उचलण्यात आलेले हे महत्वपूर्ण पाऊल आहे. लष्कराच्या पॅरा युनिटचे कमांडो, नौदालाची मरीन कमांडो फोर्स (मार्कोस) आणि इंडियन एअर फोर्सच्या गरुड कमांडो पथकाचा यामध्ये समावेश आहे.

संरक्षण मंत्रालयाच्या विभागातंर्गत काश्मीरमध्ये तिन्ही सैन्य दलांची विशेष कमांडो फोर्स तैनात करण्यात आली आहे. भारतीय लष्कराचा मेजर जनरल या स्पेशल फोर्सेसचा प्रमुख असेल. श्रीनगर शहर आणि ग्रामीण भागात कमांडोंच्या या विशेष तुकडया तैनात करण्यात आल्या आहेत.

वुलर तळयाजवळ नौदलाचे मार्कोस कमांडो तर लोलाब आणि हाजीन भागात एअर फोर्सचे गरुड कमांडो तैनात राहतील. लष्कराच्या पॅरा कमांडोंनी यापूर्वी सुद्धा काश्मीर खोऱ्यात वेगवेगळी ऑपरेशन्स केली आहेत. भारतीय लष्कराच्या राष्ट्रीय रायफल्स सोबत मिळून हे कमांडो दहशतवाद्यांविरुद्ध मोहीम राबवतील.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 25, 2019 12:50 pm

Web Title: army navy iaf special forces deployed in kashmir dmp 82
Next Stories
1 सत्ताधाऱ्यांकडून महाराष्ट्रामध्ये लोकशाहीची हत्या: राहुल गांधी
2 धक्कादायक! बहिणीने पळून जाऊन केलं लग्न, भावाने तरुणाच्या धाकट्या भावाला जिवंत जाळलं
3 Video: कार थेट फ्लायओव्हरवरून खाली कोसळली; अंगावर काटा अणणार अपघात CCTV मध्ये कैद
Just Now!
X