News Flash

Article 370 : काँग्रेस सरचिटणीस केसी वेणुगोपाल यांनी बोलावली बैठक

देशभरातील प्रमुख काँग्रेस नेत्यांची राहणार उपस्थिती

जम्मू-काश्मीरमधून कलम ३७० हटवण्यात आल्यानंतर अखिल भारतीय काँग्रेस कमिटी (एआयसीसी)चे सरचिटणीस केसी वेणुगोपाल यांनी देशभरातील प्रमुख काँग्रेस नेत्यांची शुक्रवार ९ ऑगस्ट रोजी महत्त्वपूर्ण बैठक बोलावली आहे.

या बैठकीस अखिल भारतीय काँग्रेस कमिटीचे सर्व सरचिटणीस, प्रदेश काँग्रेस समितीचे अध्यक्ष, विविध राज्यांमधील विधानसभेतील पक्षनेते व राज्यांचे प्रभारी बोलवण्यात आले आहेत. जम्मू-काश्मीरमधून कलम ३७० हटवल्या गेल्याबद्दल बैठकीत प्रामुख्याने चर्चा केली जाणार आहे.

या अगोदर मंगळवारी काँग्रेसच्या कार्यकारी समितीची बैठक एआयसीसीच्या कार्यालयात पार पडली. जम्मू-काश्मीरमधून कलम ३७० हटवणे व जम्मू -काश्मीर आणि लडाखला केंद्रशासित प्रदेशाचा दर्जा देण्याच्या सरकारच्या निर्णयावरून संसदेत मंगळवारी जोरदार चर्चा झाली होती. काँग्रेसने यावरून सरकारचा विरोधही केला, मात्र अखेरीस राज्यसभेनंतर लोकसभेतही हे विधेयक मंजूर झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2019 5:12 pm

Web Title: article 370 kc venugopal called a meeting msr 87
Next Stories
1 मिशन काश्मीर: जमावाला रोखण्यासाठी खास इस्त्रायली बनावटीचे ‘हेरॉन ड्रोन’ तैनात
2 Article 370: “आम्ही सगळं गमावलंय, आता लढाईशिवाय पर्याय नाही”
3 सुषमा स्वराज नावाचे वादळ अखेर शांत झाले..
Just Now!
X