25 September 2020

News Flash

‘जनलोकपाल’बाबत ‘आप’च्या भूमिकेला काँग्रेस, भाजपचा विरोध

प्रचंड गोंधळानंतर आज (शुक्रवार) दिल्ली विधानसभेत स्वत: मुख्यमंत्री अरविंद केजरीवाल यांनी जनलोकपाल विधेयक सादर केलं.

| February 14, 2014 01:12 am

दिल्लीतील आम आदमी पार्टीच्या वतीने (आप) विधानसभेत जनलोकपाल विधेयक ज्या पद्धतीने मंजुरीसाठी मांडण्यात आले त्याला काँग्रेस आणि भाजपने विरोध दर्शविला आहे. विधेयक मांडण्यासठी योग्य पद्धतीचा अवलंब करावा, असे या दोन्ही पक्षांनी म्हटले आहे.
देशातून भ्रष्टाचार हद्दपार व्हावा यासाठी जी पावले उचलण्याची गरज आहे त्याला आमचा विरोध नाही, मात्र दिल्लीचे विधिमंत्री सोमनाथ भारती यांच्यावरील भ्रष्टाचाराच्या आरोपांच्या वेळी मुख्यमंत्री अरविंद केजरीवाल यांनी ज्या पद्धतीने पळ काढला त्याबद्दल काँग्रेस आणि भाजपने त्यांना लक्ष्य केले.
आम्ही जनलोकपाल विधेयकाच्या विरोधात नाही. जनलोकपाल कायदा त्यांना आणावयाचा असल्यास त्यांनी योग्य पद्धतीने विधेयक आणावे. जे विधेयक प्रचलित पद्धतीने आणले जाईल, त्या विधेयकाला आमचा पाठिंबा राहील, असे दिल्लीचे काँग्रेस प्रदेशाध्यक्ष अरविंदरसिंग लवली यांनी म्हटले आहे.
आपने योग्य पद्धतीने जनलोकपाल आणल्यास काँग्रेस त्याला पाठिंबा देईल, मात्र केजरीवाल यांनी ज्या पद्धतीचा अवलंब केला आहे त्याला आमचा विरोध आहे, असेही लवली म्हणाले. भ्रष्टाचाराच्या प्रश्नावर हे सरकार पळ काढण्याची भूमिका घेत आहे, मात्र आम्ही सोमनाथ भारती यांच्याविरुद्धच्या भ्रष्टाचाराच्या आरोपांचा प्रश्न लावून धरणार आहोत, प्रसंगी त्यासाठी रस्त्यावरही उतरू, असेही ते म्हणाले.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 14, 2014 1:12 am

Web Title: arvind kejriwal cannot table jan lokpal bill writes l g jung to speaker cm may resign today
Next Stories
1 तेलंगणा विधेयकावरून संसदेत चाकू,’पेपर स्प्रे’आणि हाणामारीसुद्धा!
2 नॅन्सी पॉवेल यांनी घेतली नरेंद्र मोदींची भेट
3 निलंबित खासदाराकडून स्वसंरक्षणार्थ ‘पेपर-स्प्रे’ वापरल्याचा दावा
Just Now!
X