भोपाळमध्ये तबलिगी जमात परिषदेला हजर राहून बावना या आपल्या गावात परतलेल्या एका इसमावर करोनाचा फैलाव केल्याचा आरोप करून त्याला काही जणांनी मारहाण केल्याचे पोलिसांनी सांगितले.

या मारहाणप्रकरणी तीन जणांना अटक करण्यात आली असून मारहाणीत जखमी झालेल्या इसमावर रुग्णालयात उपचार सुरू आहेत, असे पोलिसांनी सांगितले. मारहाणीत त्याचा मृत्यू झाल्याचे चुकीचे वृत्त यापूर्वी प्रसिद्ध झाले होते.

बावना या गावातील इसमाचे नाव मेहबूब अली असे असून तो भोपाळला तबलिगी जमात परिषदेसाठी गेला होता. जवळपास ४५ दिवस तेथे वास्तव्य केल्यानंतर तो भाजीपाल्याची वाहतूक करणाऱ्या ट्रकमधून गावात परतला होता.

त्यानंतर त्याची वैद्यकीय तपासणी करून घरी पाठविण्यात आले, तो गावात परतला असता करोनाचा प्रसार करण्यासाठी तो आला असल्याची अफवा पसरली होती. त्यामुळे त्याला मारहाण करण्यात आली होती.

First Published on April 10, 2020 12:20 am