News Flash

एअर इंडियाच्या विमानात बॉम्बची धमकी, सुरक्षेसाठी झेपावली टायफून विमाने

एअर इंडियाच्या विमानाचे लंडनच्या स्टॅनस्टीड विमानतळावर इमर्जन्सी लँडिंग करण्यात आले आहे.

एअर इंडियाच्या मुंबई-नेर्वाक विमानात बॉम्ब असल्याची धमकी मिळाल्यानंतर या विमानाचे लंडनच्या स्टॅनस्टीड विमानतळावर इमर्जन्सी लँडिंग करण्यात आले आहे. गुरुवारी पहाटे ४.५० ला विमानाने नेवार्कसाठी उड्डाण केले होते. या विमानाच्या उड्डाणाला तीन तास विलंब झाला होता. बोईंग ७७७ विमान ब्रिटनच्या हवाई हद्दीत असताना वैमानिकाला विमानात बॉम्ब असल्याची धमकी मिळाली. त्यामुळे विमानाचे लंडनच्या स्टॅनस्टीड विमानतळावर इमर्जन्सी लँडिंग करण्यात आले.

ब्रिटनच्या हवाई हद्दीत असलेल्या एअर इंडियाच्या विमानात बॉम्ब असल्याची धमकी मिळाल्यानंतर ब्रिटीश एअर फोर्सच्या अत्याधुनिक टायफून विमानांनी सुपरसॉनिक वेगाने हवेत झेप घेतली. मुंबई-नेर्वाक विमानाचे स्टॅनस्टीड विमानतळावर लँडिंग होईपर्यंत ब्रिटीश फायटर जेटसनी संरक्षण दिले.

रॉयल एअर फोर्सच्या तळाजवळ स्टॅनस्टीड विमानतळ असून हवाई सुरक्षेशी संबंधित अशा प्रकारची परिस्थिती हाताळण्यास सक्षम आहे. एअर इंडियाची हिथ्रो विमानतळावरील टीम स्टॅनस्टीडच्या दिशेने रवाना झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2019 3:51 pm

Web Title: bomb threat air india mumbai newark flight emergency landing dmp 82
Next Stories
1 अमित शाह यांनी घेतली काश्मीर दहशतवादी हल्ल्यातील शहीद जवानाच्या मुलाची भेट
2 सेन्ट्रल जेलमध्ये कैद्यांचा धिंगाणा; अधीक्षकाची गाडी जाळली
3 छत्तीसगढ : एक लाखाचे बक्षीस असलेल्या नक्षलवाद्याचा खात्मा
Just Now!
X