बॉलिवूड अभिनेते विशाल आनंद यांचे प्रदीर्घ आजाराने निधन झाले. ‘चलते चलते’, ‘सारे गामा’, ‘दिल से मिले दिल’ आणि ‘टॅक्सी ड्राइव्हर’ यांसारख्या चित्रपटांमध्ये त्यांनी दमदार भूमिका साकारल्या होत्या. ४ ऑक्टोबर रोजी त्यांनी अखेरचा श्वास घेतला. विशाल आनंद यांचं खरं नाव भीष्म कोहली आहे. त्यांनी जवळपास अकरा चित्रपटांमध्ये काम केलं. काही चित्रपटांचे ते निर्माते व दिग्दर्शकसुद्धा होते.

‘चलते चलते’ हा त्यांचा उल्लेखनीय चित्रपट होता. त्यामध्ये विशाल आनंद यांनी सिमी गरेवाल यांच्यासोबत काम केलं होतं.