26 September 2020

News Flash

एकदा खुर्चीवरून उठल्यानंतर वकिलांशी बोलत नाही, सरन्यायाधीशांनी सुनावले

सुप्रीम कोर्टातील एका खटल्याच्या सुनावणीप्रसंगी सरन्यायाधीश रंजन गोगई आणि ज्येष्ठ वकील राजीव धवन यांच्यात झालेल्या संवादाची मोठी चर्चा सुरू

सर्वोच्च न्यायालयात एका खटल्याच्या सुनावणीप्रसंगी सरन्यायाधीश रंजन गोगई आणि ज्येष्ठ वकील राजीव धवन यांच्यात झालेल्या एका संवादाची मोठी चर्चा होताना दिसत आहे.

सर्वोच्च न्यायालयात एका खटल्याच्या सुनावणीप्रसंगी सरन्यायाधीश रंजन गोगई आणि ज्येष्ठ वकील राजीव धवन यांच्यात झालेल्या एका संवादाची मोठी चर्चा होताना दिसत आहे. जेव्हा आपण खुर्चीवरून उठतो. तेव्हा पुन्हा वकिलांशी बोलत नाही, असे सरन्यायाधीशांनी धवन यांना म्हटले. ते म्हणाले की, आम्ही उभे राहून वकिलांशी बोलत नाही. आम्ही बसतो, मग बोलतो. हीच आमची पद्धत आहे.

जेवणाच्या सुटीपूर्वी सरन्यायाधीश जागेवरून उठत होते. त्यावेळी वकील राजीव धवन हे एका प्रकरणाबाबत बोलणार होते. पण तोपर्यंत सरन्यायाधीश जागेवरून उठले होते. तेव्हा धवन यांनी बोलण्याचा प्रयत्न केला. त्यावेळी न्या. गोगई हे चेंबरमध्ये गेले. भोजनानंतर जेव्हा सरन्यायाधीश पुन्हा आले तेव्हा त्यांनी म्हटले की, श्रीमान धवन तुम्हाला काहीतरी बोलायचे होते ? तेव्हा धवन म्हणाले की, नाही माय लॉर्ड काही नाही. मी खटल्याचे मेन्शनिंग करू इच्छित होतो. पण तुम्ही निघून गेले होते. अशात मला आता काही म्हणायचे नाही.

यावर सरन्यायाधीश म्हणाले की, मी आधीच जागेवरून उठलो होतो. तेव्हा तुम्ही प्रकरण मेन्शन केले होते. एकदा उठल्यानंतर बोलणे ठीक नव्हते. त्यावेळी धवन म्हणाले की, काय योग्य होते आणि काय नाही हे मला माहीत नव्हते. पण अनेक सरन्यायाधीशांची पद्धत वेगळी होती.

यावर सरन्यायाधीश गोगई म्हणाले, मी उभा राहून बोलत नाही. बसल्यानंतरच बोलतो. हीच आमची पद्धत आहे. यावर धवन यांनी याबाबत आम्हाला सांगायला पाहिजे होते, असे म्हटले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 31, 2019 8:54 am

Web Title: chief justice of india ranjan gogoi said does not talk to lawyers after rising from chair
Next Stories
1 निर्णयांना राजकीय रंग देणे न्यायालयाचा अवमान, सुप्रीम कोर्टाने वकिलांना फटकारले
2 ‘आपण राम आणि कृष्णाचे भक्त…धुम्रपान सोडा’, रामदेव बाबांचं कुंभ मेळ्यातील साधूंना आवाहन
3 SBI चा निष्काळजीपणा, लाखो ग्राहकांचा बँक बॅलेन्स आणि महत्त्वाची माहिती लीक
Just Now!
X