ऐनवेळी उमेदवार जाहीर करण्याची प्रथा दिल्ली विधानसभा निवडणुकीत काँग्रेसने मोडीत काढली आहे. अजून निवडणुकीची तारीखही जाहीर झालेली नसताना काँग्रेसने २४ उमेदवारांची पहिली यादी जाहीर केली आहे. यामध्ये २०१३ मध्ये विजयी झालेल्या सर्व ८ आमदारांचा समावेश आहे. ७० जागा असलेल्या दिल्ली विधानसभेत गेल्या वेळी काँग्रेसची १५वर्षांची सत्ता गेली होती. आम आदमी पक्षाचे नेते अरविंद केजरीवाल यांच्या नवी दिल्ली मतदारसंघातून उमेदवार जाहीर करण्यात आलेला नाही. माजी मुख्यमंत्री शीला दीक्षित या निवडणूक लढवणार नसून पक्षाच्या प्रमुख प्रचारक राहतील, असे सूत्रांनी स्पष्ट केले.
