News Flash

कोव्हॅक्सिनला WHOच्या जागतिक आपत्कालीन सूचीत स्थान मिळण्याची प्रतिक्षा!

जुलै ते सप्टेंबर महिन्यात मंजुरी मिळेल असा विश्वास

ब्राझील सरकारने कोव्हॅक्सिन लसीचे २० मिलियन डोस खरेदी करण्यासाठी भारत बायोटेकसोबत करार केला होता. मात्र, ‘व्हिसलब्लोअर’नी (जागल्या... गैरव्यवहार वा प्रशासनाकडून होणाऱ्या चुकीच्या गोष्टी उजेडात आणणाऱ्या व्यक्ती) शंका उपस्थित करत या व्यवहारात भ्रष्टाचार झाल्याचा आरोप केला आहे. (सौजन्य- financial express)

कोव्हॅक्सिन करोनाविरुद्धच्या लढाईत महत्त्वपूर्ण भूमिका बजावत आहे.मात्र असं असलं तरी जागतिक आरोग्य संघटनेकडून आपत्कालीन सूचीत स्थान मिळालेलं नाही. त्यामुळे भारत सरकारची चिंता वाढली आहे. करोना लस निर्मिती करणाऱ्या भारत बायोटेक इंटरनॅशनल लिमिटेडनं कोव्हॅक्सिन संदर्भातील ९० टक्के दस्ताऐवज जागतिक आरोग्य संघटनेकडे जमा केले आहेत. जागतिक आपत्कालीन मंजुरीच्या यादीत लस सुचिबद्ध करण्याची मागणी याद्वारे करण्यात आली आहे. मात्र जागतिक आरोग्य संघटनेला याबाबत अजूनही शंका आहे. अमेरिका, कॅनडा, ऑस्ट्रेलिया, आयर्लंड आणि यूरोपियन यूनियनने अजूनही कोव्हॅक्सिनला आतत्कालीन मंजुरी दिलेली नाही. त्यामुळे त्यांनी भारत बायोटेककडून आणखी माहिती मागवली आहे.

‘कोव्हॅक्सिन लसीच्या आपत्कालीन मंजुरीसाठी ६०हून अधिक देशात प्रक्रिया सुरु आहे. यात अमेरिका, ब्राझील, हंगेरी या देशांचा समावेश आहे. १३ देशांमध्ये या लसीच्या वापराला आपत्कालीन मंजुरी मिळाली आहे. लसीबाबतचे सर्व दस्ताऐवज जागतिक आरोग्य संघटनेकडे सुपूर्द केले आहेत’, असं भारत बायोटेकनं सांगितलं आहे. त्यामुळे भारत बायोटेकच्या कोव्हॅक्सिन लसीला जुलै ते सप्टेंबर दरम्यान आपत्कालीन मंजुरी मिळेल असा विश्वास आहे.

करोनाचा फैलाव रोखण्यासाठी अनेक देशांनी लसीकरणावर भर दिला आहे. कोणत्याही देशाने अजूनही कोविड व्हॅक्सिन पासपोर्ट लागू केलेला नाही. अजूनही आरटी-पीसीआर चाचणी निगेटीव्ह असल्याचा अहवाल ग्राह्य धरला जात आहे, असंही भारत बायोटेकनं सांगितलं आहे.

Maharashtra Covid 19: या १८ जिल्ह्यांमध्ये होम आयसोलेशन बंद; कोव्हिड केंद्रातच व्हावं लागणार दाखल

जागतिक आरोग्य संघटनेच्या आपत्कालीन सूचित मॉडर्ना, फायजर, एस्ट्राजेनेका, जॉनसेन (अमेरिका आणि नेदरलँडमध्ये), सिनोफार्मा/ BBIP आणि सीरम इन्स्टिट्यूट ऑफ इंडियात तयार झालेल्या कोविशील्डचा समावेश आहे. मात्र कोव्हॅक्सिनला असूनही स्थान मिळालेलं नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2021 8:14 pm

Web Title: covaxin application for emergency use listing submitted to who approvals are expected jul sept rmt 84
टॅग : Corona
Next Stories
1 ‘‘दोन मुलींचा बाप म्हणूनही…”, अश्विनला ‘या’ कारणामुळे लागत नाहीये रात्रभर झोप
2 Cyclone Yaas – यास चक्रीवादळाचा मिदनापूर, २४ परगणाला धोका, मुख्यमंत्री ममता बॅनर्जींचा रात्री नियंत्रण कक्षातच मुक्काम!
3 नको आरटीपीसीआर, नको अँटिजेन….कुत्रेही शोधू शकतात करोनाचे रुग्ण
Just Now!
X