01 March 2021

News Flash

डॉक्टराची कमाल ! जखम डोक्याला आणि सर्जरी केली पायाची

दिल्लीमधील सरकारी रुग्णालयात डॉक्टराचा अक्षम्य हलगर्जीपणाचा फटका एका रुग्णाला बसला आहे

( संग्रहीत प्रतिकात्मक छायाचित्र )

दिल्लीमधील सरकारी रुग्णालयात डॉक्टराचा अक्षम्य हलगर्जीपणाचा फटका एका रुग्णाला बसला आहे. डॉक्टराने डोक्याला जखम झाल्याने रुग्णालयात भर्ती करण्यात आलेल्या रुग्णाच्या पायाचीच सर्जरी करुन टाकली. सुश्रूता ट्रॉमा सेंटरमध्ये हा प्रकार घडला असून, दिल्ली सरकार हे रुग्णालय चालवतं.

विजेंद्र त्यागी यांचा अपघात झाल्याने त्यांचा डोक्याला गंभीर जखम झाली होती. उपचारासाठी त्यांना ट्रॉमा सेंटरमध्ये दाखल करण्यात आलं होतं. याचवेळी त्याच वॉर्डमध्ये एक रुग्ण पाय फ्रॅक्चर झाल्याने भर्ती करण्यात आला होता. सर्जनचा गैरसमज झाला आणि त्याने विजेंद्र त्यागी यांचा पाय फ्रॅक्चर झाला असल्याचं समजून त्यांच्या पायावर सर्जरी करुन टाकली.

‘सर्जनने माझ्या वडिलांच्या पायात पिन टाकण्यासाठी एक भोकदेखील पाडलं. भूलीचं औषध दिलं असल्या कारणाने त्यांना काहीच कळलं नाही ज्यामुळे त्यांनी चूक लक्षात आणून दिली असती’, असं विजेंद्र यांचा मुलगा अंकित त्यागीने सांगितलं आहे. अंकितनेच हा सर्व प्रकार रुग्णालयाच्या निदर्शनास आणून दिला.

चुकीची सर्जरी झाली असल्याचं लक्षात येताच १९ एप्रिलला सकाळी ९.३० वाजता पुम्हा एकदा विजेंद्र यांच्यावर सर्जरी करुन पिन काढण्यात आली अशी माहिती अंकितने दिली आहे.

ट्रॉमा सेंटरच्या वैद्यकीय अधिक्षकांनी दिलेल्या माहितीनुसार, प्रकरणाची चौकशी करण्यासाठी गठीत करण्यात आलेल्या समितीने आरोपात तथ्य असल्याचं सांगितलं असून, संबंधित सर्जनवर कारवाई करण्यात आली आहे. सर्जनला सर्जनी करण्यापासून रोखण्यात आलं असून, यापुढे वरिष्ठांच्या परवानगीशिवाय तो कोणतंही काम करणार नाही.

‘जखम झाल्याने माझ्या वडिलांच्या डोकं आणि छातीत अद्यापही वेदना होत आहेत. विनाकारण करण्यात आलेल्या सर्जरीमुळे माझ्या वडिलांना चालता येत नाहीये’, असं अंकितने सांगितलं आहे. मात्र कुटुंबाने डॉक्टराविरोधात कोणतीही कायदेशीर कारवाई न करण्याचा निर्णय घेतला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2018 11:57 am

Web Title: doctor operates on leg of patient with head injury
Next Stories
1 केंद्रीय मंत्री हेगडेंना जीवे मारण्याची धमकी, ५ दिवसांपूर्वीच अपघातातून बचावले होते
2 उत्तर कोरियात भीषण बस अपघात, ३० चिनी पर्यटकांचा मृत्यू
3 जेसिका लालच्या मारेकऱ्याला माफी; बहिणीचे कारागृह प्रशासनाला पत्र
Just Now!
X