आकाश क्षेपणास्त्राची यशस्वी चाचणी करण्यात ‘डीआरडीओ’ला यश

देशाच्या संरक्षण सिद्धतेच्या दृष्टीने महत्वाच्या समजल्या जाणाऱ्या ‘आकाश’ या क्षेपणास्त्राची यशस्वीरित्या चाचणी करण्यात डिफेन्स रिसर्च डेव्हलपमेंट ऑर्गनायझेशनला (डीआरडोओ) यश मिळाले. हवाई हल्ल्यापासून बचाव करण्यासाठी आकाश क्षेपणास्त्र विकसित करण्यात आले असून ओडिशातील बलासोर येथील तळावर हवाई दलातर्फे ही चाचणी घेण्यात आली. या क्षेपणास्त्रात अत्यंत वेगाने हालचाल करणाऱ्या लक्ष्याचा अचूक लक्ष्यभेद करण्याची क्षमता आहे. आकाशच्या आणखी काही चाचण्यांनंतर हे क्षेपणास्त्र हवाई दलाच्या सेवेत सामावून घेतले जाणार आहे.