अमेरिकेतील श्वेतवर्णीय अधिकाऱ्याने फग्र्युसन येथील सेंट लुईस उपनगरात नि:शस्त्र कृष्णवर्णीय मुलावर गोळीबार करून त्याला ठार केल्याच्या प्रकरणी राजीनामा दिला आहे. डॅरन विल्सन याने म्हटले आहे की, स्थानिक लोकांची सुरक्षा व सहकारी पोलीस अधिकाऱ्यांचे हित पाहून आपण राजीनामा देत आहोत. आपल्या राजीनाम्याने कृष्णवर्णीयांनाही दिलासा मिळेल असे त्यांनी म्हटले आहे. न्यायाधीशांनी त्यांच्यावर ९ ऑगस्टच्या या घटनेप्रकरणी आरोप ठेवण्यास नकार दिला होता. १८ वर्षांचा मायकेल ब्राऊन या हल्ल्यात ठार झाला होता. निकालानंतरही मोठय़ा प्रमाणात निदर्शने झाली होती.
