पंजाबच्या तरनतारन मध्ये स्फोट, २ ठार ११ जण जखमी - Marathi News | Fire Crackers Explosion During Religious Procession In Punjab 14 Dead Scj 81

या घटनेत जखमी झालेल्या लोकांवर रुग्णालयात उपचार सुरु करण्यात आले आहेत

पंजाबच्या तरनतारन जिल्ह्यात एका धार्मिक यात्रेत झालेल्या फटाक्यांच्या स्फोटात २ जण ठार झाले तर ११ जण जखमी झाले आहेत. मृतांची संख्या वाढण्याचीही शक्यता आहे. पंजाब पोलिसांनी या घटनेची माहिती दिली आहे. तसंच एएनआयनेही या संदर्भातले वृत्त दिले आहे. या ठिकाणी मदत आणि बचाव कार्य सुरु आहे. एका ट्रॅक्टर ट्रॉलीवर फटाके होते. ज्याचा स्फोट झाला त्यामध्ये दोन जणांचा मृत्यू झाला. प्रत्यक्षदर्शींनी ही माहिती दिल्याचं पोलिसांनी सांगितलं आहे.

Tarn Taran SSP Dhruv Dahiya: During nagar kirtan, firecrackers were being burnt using explosive material because of which tractor-trolley exploded accidentally. According to eyewitnesses,14-15 individuals died on spot&3 have been admitted to hospital in critical condition.#Punjab https://t.co/bIa6fsyQ0M pic.twitter.com/b11WYDEXKh
— ANI (@ANI) February 8, 2020

सुरुवातीला १४ जणांचा मृत्यू झाला अशी माहिती समोर आली होती. मात्र पोलिसांनी घटनास्थळी भेट दिल्यानंतर या घटनेत दोघांचा मृत्यू झाल्याचं सांगितलं. धार्मिक यात्रेदरम्यान अनेक लोक फटाके उडवत होते. त्यावेळी एका फटाक्याच्या ट्रॉलीवर बरेचसे फटाके होते. या फटाक्यांवर एक जळता फटाका पडून हा अपघात झाला अशी माहिती एसपीएस परमार यांनी दिली. हा स्फोट एवढा भयंकर होता की ट्रॉलीही उद्ध्वस्त झाली असंही पोलिसांनी सांगितलं.

First published on: 08-02-2020 at 21:14 IST

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Fire crackers explosion during religious procession in punjab 14 dead scj