News Flash

‘स्पेशल कॅटेगिरी’च्या पाटीसह पाच वर्षांच्या मुलाचा विमान प्रवास, तीन महिन्यांनी भेटला आईला

पाच वर्षांच्या मुलाने दिल्लीहून बंगळुरूला विमानाने एकट्याने जाण्याचं दाखवलं धाडस

गळ्यात स्पेशल कॅटेगिरीची पाटी अडकवून पाच वर्षांच्या एका मुलाने विमान प्रवास केला. आजपासून देशांतर्गत विमान प्रवासाला संमती देण्यात आली आहे. त्यामुळेच एका विवान नावाच्या एका मुलाने एकट्याने दिल्ली ते बंगळुरू विमान प्रवास केला. विवान शर्मा हा पाच वर्षांचा मुलगा तीन महिने त्याच्या आजी आजोबांकडे म्हणजेच दिल्लीत गेला होता. त्याला आज तीन महिन्यांनी जेव्हा विमान प्रवासाला संमती मिळाली तेव्हा आईजवळ परतता आलं. दिल्लीहून स्पेशल कॅटेगरीची पाटी गळ्यात घालून या मुलाने विमान प्रवास केला. बंगळुरु विमानतळावर त्याची आई त्याला घ्यायला आली होती. तीन महिन्यांनी भेटलेल्या पाच वर्षांच्या मुलाला मिठी मारावी असं या आईला वाटत होतं पण ती ते करु शकली नाही.सगळे नियम पाळून त्याला बंगळुरू विमानतळावरुन त्याच्या घरी नेण्यात आलं.

नेमकं काय घडलं?
विवान शर्मा तीन महिन्यांपूर्वी दिल्लीला गेला होता. तो त्याच्या आजी आजोबांकडे गेला होता. त्यानंतर लॉकडाउन जाहीर झाल्याने विमान प्रवासही बंद करण्यात आला. त्यामुळे विवान तीन महिने त्याच्या आजी आजोबांच्या घरीच होता. आजपासून आंतरदेशीय विमान प्रवासाला संमती देण्यात आली आहे त्यामुळे तो विमानाने एकटा प्रवास करुन घरी म्हणजेच बंगळुरुला परतला.

“प्रवासात त्याने मास्क, हँड ग्लोव्ह्ज अशी सगळी तयारी केली होती. तसेच स्पेशल कॅटेगरी अशीही पाटी त्याच्या गळ्यात होती” असं त्याच्या आईने सांगितलं आहे. एका वृत्तवाहिनीने यासंदर्भातले वृत्त दिले आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2020 3:26 pm

Web Title: five year old vivan sharma meet his mother after three months he came alone by flight from delhi to banglore scj 81
टॅग : Coronavirus
Next Stories
1 करोनावर ‘स्वदेशी’ लस इतक्यात नाही, अजून लागेल वर्षभराचा कालावधी
2 ‘फ्लाईंग बुलेट्स’ ‘तेजस’ची दुसरी स्क्वाड्रन सज्ज
3 केजरीवाल म्हणतात, “करोना झाला आणि लोकं बरी होऊन घरी गेली तर चालेल; फक्त…”
Just Now!
X