News Flash

कॅनडाच्या फ्रेडइरीटॉन शहरात गोळीबार, ४ ठार

कॅनडाच्या पूर्व भागातील फ्रेडइरीटॉन शहरात गोळीबाराची घटना घडली असून यामध्ये चार जण ठार झाले आहेत. अजूनही गोळीबार सुरु असून अनेक जण जखमी झाले आहेत.

कॅनडाच्या पूर्व भागातील फ्रेडइरीटॉन शहरात गोळीबाराची घटना घडली असून यामध्ये चार जण ठार झाले आहेत. अजूनही गोळीबार सुरु असून अनेक जण जखमी झाल्याची माहिती फ्रेडइरीटॉन पोलिसांनी टि्वटरवरुन दिली आहे. या भागात गोळीबार सुरु असल्यामुळे नागरिकांनी मेन आणि रिंग रोडवरुन प्रवास टाळावा तसेच नागरिकांनी घराबाहेर पडू नये असे आवाहन कॅनडा पोलिसांनी केले आहे.

२०१४ मध्ये न्यू ब्रन्सविकमध्ये झालेल्या गोळीबारात रॉयल कॅनडीयन माऊंटेड पोलीस दलाच्या तीन अधिकाऱ्यांचा मृत्यू झाला होता आणि दोन जण जखमी झाले होते. फ्रेडइरीटॉन शहरात सध्या सुरु असलेला गोळीबार ही अत्यंत दुर्देवी घटना आहे. अमेरिकेच्या तुलनेत इथे बंदुक बाळगण्यासंदर्भातील कायदे अत्यंत कठोर आहेत. पोलिसांवर हल्ला होण्याच्या घटना सुद्धा इथे दुर्मिळ आहेत. पण अलीकडच्या काळात कॅनडामध्ये अशा प्रकारच्या घटना वाढल्या आहेत.

मागच्या महिन्यात कॅनडातील टोरांटो शहरात एका बंदुकधाऱ्याने केलेल्या गोळीबारात दोन जण ठार झाले होते तर १३ जण जखमी झाले होते.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 10, 2018 6:00 pm

Web Title: four people killed in canada shooting
Next Stories
1 राजीव गांधीच्या मारेकऱ्यांना मुक्त करण्यास केंद्राचा नकार
2 विरोधकांमुळे तिहेरी तलाक विधेयक राज्यसभेत लटकले
3 ‘मला ज्वालामुखीशी बोलावं लागेल’, सुषमा स्वराज यांचं ट्विटरवर भन्नाट उत्तर
Just Now!
X