04 March 2021

News Flash

मोदी सरकारची नवी टेलिकॉम पॉलिसी, ४० लाख लोकांना देणार रोजगार

या पॉलिसीअंतर्गत ५ जी इंटरनेट आर्टीफिशियल इंटेलिजन्स, रोबोटीक्स, क्लाऊड कॉम्प्युटींग आणि मशीन टू मशीन या विषयांवर लक्ष वेधण्यात आले आहे.

प्रातिनिधिक छायाचित्र

मोदी सरकार सत्तेत आल्यापासून नवनवीन निर्णय घेऊन नागरिकांना धक्के दिले आहेत. हे निर्णय कधी समाधानकारक तर कधी टीकेचे लक्ष्य झाले आहेत. रोजगारनिर्मितीवरुन विरोधकांची होत असणारी टीका आता सरकारने गांभिर्या घेतली असून त्याबाबत योग्य तो निर्णय घेण्याचे ठरवले आहे. त्याचेच पहिले पाऊल म्हणजे सरकारने नोकरीच्या संदर्भातील नवी टेलिकॉम पॉलिसी आणली असून त्याअंतर्गत ४० लाख नोकऱ्या देण्याचा निर्णय घेण्यात आला आहे. या पॉलिसीअंतर्गत ५ जी इंटरनेट आर्टीफिशियल इंटेलिजन्स, रोबोटीक्स, क्लाऊड कॉम्प्युटींग आणि मशीन टू मशीन या विषयांवर लक्ष वेधण्यात आले आहे. याअंतर्गत २०२२ पर्यंत टेलिकॉम क्षेत्रात विविध स्तरावरील ४० लाख नोकऱ्यांची निर्मिती करण्याचे सरकारचे लक्ष्य आहे.

याशिवाय इंटरनेटचा स्पीड वाढविण्यावरही या पॉलिसीमध्ये भर देण्यात आला असून प्रत्येक नागरिकाला ५० mbps वेगाचे इंटरनेट मिळेल यासाठी प्रयत्न करणार असल्याचे सांगण्यात आले आहे. याशिवाय देशातील सर्व ग्रामपंचायतींना २०२० पर्यंत १ gbps आणि २०२२ पर्यंत १० gbps ब्रॉडबँड कनेक्टीव्हीटी देणार असल्याचे म्हटले आहे. याशिवाय उद्योगधंद्यांना प्रोत्साहन देण्यासाठी आणि नवीन पिढीला प्रोत्साहन देण्यासाठी मोठ्या निधीची तरतूद करण्यात येणार आहे. नव्या पॉलिसीनुसार लॅंडलाईन पोर्टेबिलीटीसाठीही सुविधा उपलब्ध करुन देणार असल्याचे स्पष्ट करण्यात आले आहे. याबरोबरच डिजिटल कम्युनिकेशन क्षेत्रामध्ये देशाचे असलेले ६ टक्के योगदान वाढवून ते ८ टक्के करण्यावर भर दिला जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2018 7:08 pm

Web Title: government form telecom policy will offer 40 lakh jobs and 50 mbps speed broadband
Next Stories
1 शिपायाच्या घरात सापडली करोडोंची संपत्ती, छापा टाकला असता अधिकारीही चक्रावले
2 ऊस तोडणीसाठी प्रति क्विंटल ५.५० रुपये अनुदानाला केंद्राची मंजुरी; शेतकऱ्यांची थकित रक्कम देण्यासाठी निर्णय
3 खरबूजांच्या विक्रीतून शेतकऱ्याने ७० दिवसांत केली २१ लाखांची कमाई
Just Now!
X