News Flash

जीएसटी मधून केंद्र सरकारची घसघशीत कमाई, सलग तिसर्‍या महिन्यात एक ट्रिलियन जमा

फेब्रुवारीमध्ये जमा झालेला जीएसटी महसूल १.१३ ट्रिलियन रुपये

(संग्रहित छायाचित्र)

फेब्रुवारी महिन्यात वस्तू व सेवा कर (जीएसटी) वसुलीने एक ट्रिलियन रुपयांचा टप्पा ओलांडला कोविड-१९ या साथीच्या रोगानंतर सलग पाचव्या महिन्यासाठी आणि सलग तिसर्‍यांदा १.१ ट्रिलियन रुपयांची वसुली केली, अशी माहिती सरकारने सोमवारी दिली.

फेब्रुवारीमध्ये जमा झालेला जीएसटी महसूल १.१३ ट्रिलियन रुपये होता, जो मागील वर्षीच्या याच महिन्याच्या तुलनेत ७ टक्क्यांनी वाढला आहे.
“गेल्या पाच महिन्यांतील जीएसटीच्या उत्पन्नातील वसुलीच्या अनुषंगाने फेब्रुवारी २०२१ या महिन्यातील महसूल मागील वर्षातील याच महिन्यात जीएसटीच्या उत्पन्नाच्या तुलनेत ७ टक्क्यांनी अधिक आहे,” असे सरकारने सांगितले.

एकूण जमा झाल्यापैकी केंद्रीय जीएसटी (सीजीएसटी) सुमारे २१,०९२ कोटी रुपये, राज्य जीएसटी (एसजीएसटी) २७,२७३ कोटी रुपये आहे. दरम्यान, एकात्मिक जीएसटी (आयजीएसटी) संकलन ५५,२५३ कोटी रुपये (वस्तूंच्या आयातीवर जमा झालेले २४,३८२ कोटी रुपये) आणि सेस ९,५२५ कोटी (वस्तूंच्या आयातीवर जमा झालेल्या ६६० कोटी रुपयांचा समावेश आहे) आहे.

सरकारने सीजीएसटीला २२, ३९८ कोटी रुपये आणि आयजीएसटीकडून १७.५३४ कोटी रुपये नियमित सेटलमेंट म्हणून घेतले आहेत. या व्यतिरिक्त, केंद्र व राज्ये आणि केंद्रशासित प्रदेशांमधील ५०:५० च्या गुणोत्तरानुसार आयजीएसटीमध्ये तात्पुरता म्हणून केंद्रानेही ,४८,००० कोटी रुपयांचा तोडगा काढला आहे.

२०२१ फेब्रुवारी महिन्यात नियमित तोडगा आणि तात्पुरता तोडगा काढल्यानंतर केंद्र व राज्यांचा एकूण महसूल सीजीएसटीसाठी ६७,४९० कोटी रुपये आणि एसजीएसटीसाठी ६८,८०७ कोटी रुपये आहेत.

या महिन्यात वस्तूंच्या आयातीमधून मिळणारा महसूल १५ टक्क्यांनी जास्त होता आणि देशांतर्गत व्यवहारातून (सेवांच्या आयातीसह) होणारा महसूल मागील वर्षात याच महिन्यात या स्त्रोतांकडून प्राप्त झालेल्या उत्पन्नात ५ टक्के जास्त होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 1, 2021 7:54 pm

Web Title: gst collections surpass rs 1 1 trillion mark sbi 84
Next Stories
1 नऊ वर्षाच्या रित्विकाने सर केले माउंट किलीमंजारो शिखर
2 जगातली सर्वात जुनी भाषा न शिकल्याचे दु:ख मोदींनी केले व्यक्त
3 Rahul Gandhi Push-ups : आधी बॉक्सर अ‍ॅब्ज, आता पुशअप्स चॅलेंज; राहुल गांधींचा व्हिडिओ व्हायरल!
Just Now!
X