News Flash

हार्दिक पटेल पोलिसांच्या ताब्यात

हार्दिक पटेल यांना आज राजकोट स्टेडियममध्ये घुसण्याच्या तयारीत असताना पोलिसांनी ताब्यात घेतले आहे.

पाटीदार समाजाचे नेते हार्दिक पटेल यांना आज राजकोट स्टेडियममध्ये घुसण्याच्या तयारीत असताना पोलिसांनी ताब्यात घेतले आहे. हार्दिक पटेल यांनी भारत आणि दक्षिण आफ्रिका यांच्यातील तिसरा एकदिवसीय सामना उधळून लावण्याची धमकी दिली होती.
पटेल आरक्षणाच्या मुद्यासह भारत-दक्षिण आफ्रिका संघाच्या क्रिकेट सामन्याची तिकिटे भाजपाच्याच कार्यकर्त्यांना दिल्याच्या निषेधार्थ पटेल समाजाचे नेते हार्दिक पटेल यांनी राजकोट येथे होणारा क्रिकेट सामना उधळवून लावण्याचा तसेच दोन्ही संघाच्या खेळाडूंना स्टेडियममध्ये जाण्यापासून रोखण्याचा इशारा दिला होता. यापार्श्वभूमीवर पोलिसांनी स्टेडियम परिसरात कडेकोट बंदोबस्त तैनात केला होता. दरम्यान, हार्दिक आपल्या कायकर्त्यांसह स्टेडियममध्ये घुसण्याचा प्रयत्न करत असतानाच पोलिसांनी त्यांच्यासह काही कार्यकर्त्यांना ताब्यात घेतले आहे. यावेळी कार्यकर्त्यांनी जोरदार घोषणाबाजी केली. त्यामुळे काहीकाळ गोंधळाचे वातावरण निर्माण झाले होते.
पोलिसांनी आज हार्दिक पटेल यांच्या आंदोलनाच्या पार्श्वभूमीवर खबरदारीचा उपाय म्हणून दिवसभरासाठी राजकोटमधील इंटरनेट सेवा बंद ठेवली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 18, 2015 3:02 pm

Web Title: hardik patel detained near rajkot cricket stadium ahead of protest meet
टॅग : Hardik Patel
Next Stories
1 स्मृती इराणींच्या हस्ते पदवी घेण्यास विद्यार्थ्याचा नकार
2 वादग्रस्त वक्तव्य करणा-या भाजप नेत्यांना अमित शहांची ताकिद
3 गाय मारणाऱ्याला ठार करणेच योग्य! संघाच्या मुखपत्रात ‘दादरी’चे उदात्तीकरण
Just Now!
X