News Flash

वसतिगृहाच्या इमारतीतून समोरच्या इमारतीत उडी मारताना विद्यार्थ्याचा मृत्यू

या १९ वर्षीय विद्यार्थ्याचे नाव साई कृष्णा असून, तो बी.टेकच्या पहिल्या वर्षाला शिक्षण घेत होता

हैदराबादमध्ये गुरूवारी अकारण साहस करण्याच्या नादात एका विद्यार्थ्याला आपला जीव गमवावा लागला. वसतिगृहाच्या इमारतीच्या तिसऱ्या मजल्यावरून समोरच्या इमारतीमधील गॅलरीत उडी मारताना त्याचा पाय सटकला आणि तो थेट खाली कोसळला. या १९ वर्षीय विद्यार्थ्याचे नाव साई कृष्णा असून, तो बी.टेकच्या पहिल्या वर्षाला शिक्षण घेत होता.
काल रात्री हा विद्यार्थी वसतिगृहाच्या तिसऱ्या मजल्यावर असलेला एका गॅलरीतून दुसऱ्या गॅलरीत उडी मारण्याचा प्रयत्न करत होता. मात्र, दुसऱ्या गॅलरीच्या कठड्यावरून त्याचा पाय सटकला आणि तो तिसऱ्या मजल्यावरून थेट खाली कोसळला. यामध्ये त्याच्या डोक्याला गंभीर दुखापत झाली. त्याला तातडीने रुग्णालयात नेण्यात आले. मात्र, तोपर्यंत त्याचा मृत्यू झाला होता.
साई इमारतीवरून खाली पडण्यापूर्वी त्याचा मित्राने तशाच धोकादायक पद्धतीने समोरच्या इमारतीत प्रवेश केला होता. मात्र, साई पहिल्यांदाच अशाचप्रकारचा प्रयत्न करत असावा, असे या घटनेचे सीसीटीव्ही फुटेज बघताना दिसते आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 24, 2015 3:14 pm

Web Title: hyderabad engineering student attempts to jump to adjacent building get failed
टॅग : Mishap
Next Stories
1 दादरी हत्याकांड : भाजप नेत्याच्या मुलगा मुख्य आरोपी, आरोपपत्र दाखल
2 मी चूक काय केली हे तरी सांगा, कीर्ती आझादांचा थेट मोदींना सवाल
3 सौदी अरेबियातील रुग्णालयात आग, २५ जणांचा होरपळून मृत्यू
Just Now!
X