21 October 2020

News Flash

जम्मू- काश्मीरमध्ये दोन दहशतवाद्यांना कंठस्नान

जम्मू- काश्मीरमधील बंदीपोरा येथे सुरक्षा दल आणि दहशतवाद्यांमध्ये चकमक झाली असून या चकमकीत दोन दहशतवाद्यांना कंठस्नान घालण्यात आले आहे.

प्रतिकात्मक छायाचित्र

जम्मू- काश्मीरमधील बंदीपोरा येथे सुरक्षा दल आणि दहशतवाद्यांमध्ये चकमक झाली असून या चकमकीत दोन दहशतवाद्यांना कंठस्नान घालण्यात आले आहे. गुरुवारपासून ही चकमक सुरु आहे.

बंदीपोरा येथील जंगलात दहशतवादी लपून बसल्याची माहिती सुरक्षा दलांना गुरुवारी मिळाली होती. यानुसार सकाळी सुरक्षा दलांनी या परिसरात शोधमोहीम राबवली. या दरम्यान दहशतवाद्यांनी सुरक्षा दलांवर गोळीबार केला. तेव्हापासून परिसरात चकमक सुरु असून शुक्रवारी सकाळीही ही चकमक सुरूच होती. दोन दहशतवाद्यांना सुरक्षा दलांनी कंठस्नान घातले आहे.अजूनही चकमक सुरूच असल्याचे स्थानिक माध्यमांनी म्हटले आहे.

चकमक सुरू होताच परिसरात तणाव निर्माण झाला. यामुळे परिसरात सुरक्षा दलांचा अतिरिक्त फौजफाटाही तैनात करण्यात आला आहे. सुरक्षेच्या दृष्टीकोनातून परिसरातील इंटरनेट सेवा बंद करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2018 10:36 am

Web Title: jammu and kashmir bandipora encounter two terrorists killed army operations underway
Next Stories
1 काश्मीरमधून बेपत्ता झालेल्या चारपैकी तीन पोलिसांची दहशतवाद्यांकडून हत्या
2 मॉर्निंग बुलेटिन : पाच महत्त्वाच्या बातम्या
3 गीरच्या जंगलात ११ दिवसात ११ सिंहांचा मृत्यू
Just Now!
X