सोन्याच्या दागिन्यांवर १ टक्का अबकारी कर आकारण्याबाबत केंद्र सरकारने काढलेल्या अधिसूचनेच्या अंमलबजावणीबाबत येत्या ३ जूनपर्यंत ‘जैसे थे’ स्थिती कायम ठेवण्याचा आदेश मद्रास उच्च न्यायालयाने दिला आहे. सोन्याच्या दागिन्यांवर अबकारी शुल्क आकारण्याबाबत केंद्राने १ मार्चला काढलेल्या अधिसूचनेची अंमलबजावणी न करण्याचे सरकारला निर्देश द्यावेत, अशी विनंती कोइंबतूर ज्वेलरी असोसिएशनने केली होती.