News Flash

पाकिस्तानमधील ६ कोटी लोकांचा जीव धोक्यात; अमेरिकी शास्त्रज्ञांचा दावा

१२०० ठिकाणच्या जलसाठ्यांचे नमुने गोळा करण्यात आले होते.

water supply : या आर्सेनिक घटकांना विशिष्ट वास किंवा चव नसते. त्यामुळे पाण्यात आर्सेनिक घटक असतील तरी पाणी पिताना त्याबद्दल कळत नाही.

पाकिस्तानच्या सिंधू परिसरातील तब्बल सहा कोटी नागरिकांचा जीव धोक्यात असल्याचा दावा आंतरराष्ट्रीय वैज्ञानिकांकडून करण्यात आला आहे. या परिसरातील भूजल साठ्यांमध्ये आर्सेनिक घटकांचे प्रमाण कमालीचे वाढल्याने हे पाणी दुषित झाले आहे. शास्त्रज्ञांनी सादर केलेल्या अहवालानुसार, हे दुषित पाणी सेवन केल्यास लोकांचा जीव जाऊ शकतो. सिंधू परिसरातील या धोकादायक ठिकाणांचा नकाशाच शास्त्रज्ञांकडून तयार करण्याता आलाय. हा नकाशा तयार करताना सिंधू परिसरातील तब्बल १२०० ठिकाणच्या जलसाठ्यांचे नमुने गोळा करण्यात आले होते. त्यानंतर आर्सेनिक घटकांचे सर्वाधिक प्रमाण असणाऱ्या जलसाठ्यांचे ठिकाण नकाशात नमूद करण्यात आले. येथील बहुतांश ठिकाणी हापसा आणि मोटारच्या सहाय्याने जमिनीतील पाणी वर खेचले जाते. याशिवाय, अन्य नैसर्गिक घटकांचा करता भविष्यात हे प्रदूषण कुठपर्यंत पोहचू शकते, याचाही आढावाही शास्त्रज्ञांनी घेतला आहे. या अंदाजानुसार सध्याच्या घडीला पाच ते सहा कोटी लोकांच्या जीवाला धोका आहे. या पाण्यावर अनेक लोक अवलंबून आहेत. त्यामुळेच ही खूप गंभीर बाब असून या परिसरातील सर्व विहिरींच्या पाण्याची तपासणी होणे गरजेचे आहे, असे शास्त्रज्ञांनी सांगितले.

पाण्यात आर्सेनिक घटक असतील तरी पाणी पिताना त्याबद्दल कळत नाही. या आर्सेनिक घटकांना विशिष्ट वास किंवा चव नसते. त्यामुळे अनेकदा अशा दुषित पाण्याचे नकळतपणे सेवन केले जाते. मात्र, सातत्याने अशाप्रकारचे पाणी प्यायल्यास यकृताचा किंवा हदयाचा कॅन्सर होण्याची दाट शक्यता असते. मात्र, शास्त्रज्ञांनी आतापर्यंत केलेल्या तपासणीत सर्वच जलसाठ्यांमधील पाणी पूर्णपणे दुषित झालेले नाही. काही ठिकाणी पाण्यात आर्सेनिक घटक आढळून आले असले तरी त्यामुळे पाणी दुषित झाले आहे, असे म्हणता येणार नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2017 3:23 pm

Web Title: journal science advances research claims upto 60 million in pakistan indus plain at risk of arsenic in water supply
Next Stories
1 २४ तास वीज, स्वस्त पेट्रोलसाठी नीती आयोगाचा ३ वर्षांचा ‘अॅक्शन प्लॅन’
2 ‘या’ व्यक्तीला सर्वप्रथम मिळाली ५० रूपयांची नवी नोट
3 ‘सॅमसंग’च्या उत्तराधिकाऱ्याला भ्रष्टाचाराच्या आरोपाखाली ५ वर्षांचा कारावास
Just Now!
X