गोव्याहून परतणाऱ्या पर्यटकांच्या गाडीला कर्नाटकमधील विजापूर येथे भीषण अपघात झाला असून या अपघातात नऊ जणांचा मृत्यू झाला आहे. कंटेनरने क्रूझरला धडक दिल्याने हा अपघात झाला असून विजापूर येथील सिंदगी येथे ही घटना घडली. कर्नाटकमधील कलबुर्गी येथे राहणारे तरुण गोव्यात पर्यटनासाठी गेले होते. तिथून परतत असताना शुक्रवारी पहाटे त्यांच्या गाडीला सिंदगी येथे अपघात झाला. कंटेनरने त्यांच्या क्रूझर गाडीला धडक दिली असून या अपघातात ९ जण ठार झाले आहेत. मृतांमध्ये तरुणांचा समावेश असून २५ ते ३० वर्ष या वयोगटातील हे तरुण आहेत.
