13 July 2020

News Flash

दिल्लीतील घोडेबाजाराचे ‘आप’कडून ‘स्टिंग’, भाजपवर आमदार फोडण्याचा आरोप

भाजपचे एक ज्येष्ठ नेते आम आदमी पक्षाच्या आमदाराला पैशांचे आमीष दाखवत असल्याचे स्टिंग ऑपरेशनमधून दिसत असल्याचा दावा आम आदमी पक्षाने केला आहे.

| September 10, 2014 01:30 am

दिल्लीत सत्तास्थापन करण्यासाठी घोडेबाजार जोरात सुरू असल्याचा आरोप करणाऱया आम आदमी पक्षाचे नेते अरविंद केजरीवाल यांनी बुधवारी दिल्लीचे नायब राज्यपाल नजीब जंग यांची भेट घेऊन त्यांच्याकडे एका स्टिंग ऑपरेशनची सीडी सुपूर्द केली. भाजपचे एक ज्येष्ठ नेते आम आदमी पक्षाच्या आमदाराला पैशांचे आमीष दाखवत असल्याचे स्टिंग ऑपरेशनमधून दिसत असल्याचा दावा आम आदमी पक्षाने केला आहे. दिल्लीतील विधानसभा निवडणुकीत सर्वाधिक जागा मिळवणाऱया भाजपला सत्तास्थापनेसाठी निमंत्रण देण्यासाठी नजीब जंग यांनी राष्ट्रपतींकडे मागितलेल्या परवानगीचा फेरविचार करावा, अशीही मागणी आम आदमी पक्षाने केली. ४ सप्टेंबरला नजीब जंग यांनी राष्ट्रपतींना पत्र पाठवून त्यांच्याकडे भाजपला सत्तास्थापनेसाठी निमंत्रण देण्यास परवागनी देण्याची मागणी केली होती. त्याला ‘आप’ने विरोध केला.
भाजपचे एक ज्येष्ठ नेते आम आदमी पक्षाच्या खासदाराला फोडण्यासाठी ४ कोटी रुपये देण्याचे आमीष दाखवत असल्याचे स्टिंग ऑपरेशनमधून दिसत असल्याचे पक्षाने म्हटले आहे. याच स्टिंग ऑपरेशनची सीडी पक्षाने नजीब जंग यांच्याकडे दिली. यावेळी केजरीवाल यांच्यासोबत मनिष सिसोदिया हेदेखील उपस्थित होते. ‘आप’ने याआधीही दिल्लीत सत्तास्थापनेसाठी भाजपकडून घोडेबाजार केला जात असल्याचा आरोप केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 10, 2014 1:30 am

Web Title: kejriwal meets lg submits cd of sting operation
टॅग Arvind Kejriwal
Next Stories
1 काश्मीर : प्रलयानंतर आता मदतीचा ओघ!
2 पंतप्रधान – बराक ओबामा भेट येत्या २९ सप्टेंबरला
3 स्कॉटलंडचे स्वातंत्र्य रोखण्यासाठी ब्रिटीश खासदारांची धावाधाव
Just Now!
X