News Flash

दिल्ली महानगरपालिकेसाठी ५४ टक्के मतदान

एकूण २७२ जागांसाठी १४ हजार मतदान केंद्र आहेत.

दिल्लीतील पांडव नगर मतदान केंद्रावर मतदारांची मोठी रांग लागली होती.

दिल्ली महानगर पालिकेसाठी घेण्यात आलेल्या निवडणुकीमध्ये आज ५४ टक्के मतदान झाले. आदमी पार्टी, काँग्रेस भाजप या पक्षांमध्येच मुख्य लढत आहे. एकूण २७२ जागांसाठी १४ हजार मतदान केंद्रावर आज मतदान झाले. सध्या भाजपकडे १३८, काँग्रेसकडे ७८ जागा आहेत. या निवडणुकीसाठी सुमारे १ कोटी ३२ लाख मतदार असून २३१५ उमेदवारांचे भविष्य मतपेटीत बंद झाले आहे. येत्या बुधवारी (दि.२६) मतमोजणी होणार आहे. ही निवडणूक शांततेत पार पडल्याचे राज्य निवडणूक आयुक्तांनी म्हटले आहे.

दिल्लीतील तुघलकाबाद, जामिया नगर, संगम विहार, सीमापुरी, सीलमपूर, नजफगढ, मुंडका, सल्तानपुरी आणि नांगलोईसारख्या भागात १४६८ मतदान केंद्र अतिसंवेदनशील म्हणून घोषित करण्यात आली होती. निवडणूक प्रक्रिया सुरळीत राबवण्यासाठी १ लाख कर्मचाऱ्यांची नियुक्ती करण्यात आली होती.

यंदाची निवडणूक सर्वच पक्षांसाठी अत्यंत महत्वाची आहे. भाजपला तिसऱ्यांदा सत्तेवर येण्याचे आव्हान आहे तर काँग्रेसमध्ये दिल्लीत पुनरागमन करण्याचा दबाव आहे. दिल्ली विधानसभा निवडणुकीत ७० पैकी ६७ जागांवर विजय मिळवणाऱ्या आम आदमी पक्षाला ही निवडणूक अग्निपरीक्षेसारखी आहे. या निवडणुकीच्या निकालावरून आम आदमी पक्ष हा दिल्लीच्या अपेक्षांना पूर्णपणे उतरले आहे की नाही, हे स्पष्ट होणार आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2017 7:49 am

Web Title: live updates delhi mcd election 2017 aap congress bjp arvind kejriwal narendra modi ajay maken
Next Stories
1 भारत-अमेरिका संबंध आणखी मजबूत
2 हॉलिवूड अभिनेत्री मर्लिन मन्रोचे घर विक्रीस
3 आर्थिक पुनरुत्थानासाठी तीन आदेशांवर ट्रम्प यांची स्वाक्षरी