भाजपचे ज्येष्ठ नेते लालकृष्ण अडवाणी यांच्या पत्नी कमला अडवाणी यांचे बुधवारी सायंकाळी हृदयविकाराच्या तीव्र धक्क्याने निधन झाले. हृदयविकाराचा झटका आल्यानंतर त्यांना दिल्लीतील एम्स रुग्णालयात दाखल करण्यात आले होते. पण उपचारांदरम्यान त्यांची प्राणज्योत मालवली.
दरम्यान, कमला अडवाणी यांच्या निधनावर पंतप्रधान नरेंद्र मोदी यांनी शोक व्यक्त केला आहे. कमला अडवाणी यांनी नेहमी कार्यकर्त्यांना प्रेरणा देण्याचे काम केले. त्या लालकृष्णजींच्या आधारस्तंभ होत्या, असे ट्विट मोदींनी केले आहे.