29 October 2020

News Flash

राज्यात आज पुन्हा करोनाबाधितांपेक्षा करोनामुक्त झालेल्यांची संख्या जास्त

दिवसभरात राज्यात करोनामुळे ३२६ रुग्णांचा मृत्यू

प्रतिकात्मक छायाचित्र

देशभरासह राज्यातील करोनाचा प्रादुर्भाव अद्याप थांबलेला नसला तरी, करोनामुक्त होणाऱ्यांच्या संख्येत मात्र दिवसेंदिवस वाढ होताना दिसत आहे. आज पुन्हा एकदा राज्यात करोनाबाधितांच्या संख्येपेक्षा करोनामुक्त झालेल्यांची संख्या अधिक दिसून आली. दिवसभरात राज्यात १३ हजार ७०२ नवे करोनाबाधित आढळले तर, १५ हजार ४८ जण करोनामुक्त झाल्याने त्यांना डिस्चार्ज मिळाला. राज्याचा रिकव्हरी रेट ७९.६४ टक्क्यांवर पोहचला आहे.

याशिवाय राज्यात आज ३२६ रुग्णांचा करोनामुळे मृत्यू झाला. राज्यातील करोनाबाधितांची एकूण संख्या आता १४ लाख ४३ हजार ४०९ वर पोहचली आहे. यामध्ये २ लाख ५५ हजार २८१ अॅक्टिव केसेस, डिस्चार्ज मिळालेले ११ लाख ४९ हजार ६०३ जण व आतापर्यंत मृत्यू झालेल्या ३८ हजार ८४ जणांच्या संख्येचा समावेश आहे. राज्याच्या आरोग्य विभागाच्या हवाल्याने एएनआयने हे वृत्त दिले आहे.

सद्यस्थितीस राज्यात २२ लाख ९ हजार ६९६ जण गृहविलगीकरणात आहेत. तर, २७ हजार ९३९ जण संस्थात्मक विलगीकरणात आहेत. आजपर्यंत तपासणी करण्यात आलेल्या ७१ लाख ११ हजार २०४ नमून्यांपैकी १४ लाख ४३ हजार ४०९ (२०.२९ टक्के)नमूने पॉझिटिव्ह आढळले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 4, 2020 9:27 pm

Web Title: maharashtra reports 13702 new covid19 cases and 15048 discharges today msr 87
टॅग Coronavirus
Next Stories
1 ते जातीय दंगली भडकवू इच्छित आहेत; योगी आदित्यनाथ यांचा विरोधकांवर आरोप
2 “काँग्रेस आता पीआर कंपनी झालीये, तिचा खर्च चिनी देणग्या ते…”; बिहारच्या उपमुख्यमंत्र्यांची टीका
3 जनता त्यांना याची आठवण करून देईल; प्रियंका गांधी यांचा योगी सरकारवर भडकल्या
Just Now!
X