एकाच कुटुंबातील चार महिलांवर बलात्कार करण्यात आल्याची धक्कादायक घटना समोर आली आहे. पीडितांमध्ये एका अल्पवयीन मुलीचाही समावेश आहे. राजस्थानमधील दौसा जिल्ह्यात ही घटना घडली आहे. विष्षू गुर्जर असं आरोपीचं नाव असून पीडित कुटुंबाच्या घराजवळच त्याचा ढाबा आहे. आणखी वाचा- धक्कादायक! टेरेसवर एकमेकांना गुदगुल्या करत होते दोघं मित्र, पण पुढच्याच क्षणी नको ते घडलं मिळालेल्या माहितीनुसार, आरोपी एक वर्ष कुटुंबातील एका महिलेवर लैंगिक अत्याचार करत होता. आरोपी महिलेच्या लहान बहिणी आणि मुलीलाही आपल्या जाळ्यात ओढण्याचा प्रयत्न करत होता. महिलेला याची माहिती मिळताच तिने पोलीस गाठलं आणि आरोपीविरोधात तक्रार दाखल केली. महिलेने तक्रार दिल्यानंतर कुटुंबातील इतर महिला पुढे आल्या आणि आरोपीविरोधात तक्रार दिली. आरोपीविरोधात याआधी २३ आणि २४ जानेवारीला बलात्काराच्या दोन तक्रारी दाखल आहेत. पोलिसांनी आरोपीविरोधात गुन्हा दाखल केला असून तपास करत आहेत.
