अभिनेते व भाजपाचे पंजाबमधील गुरूदासपुर लोकसभा मतदारसंघाचे खासदार सनी देओल हे बेपत्ता असुन, त्यांचा शोध सुरू असल्याचे पोस्टर पठाणकोटमध्ये लावण्यात आले आहेत.

”गुमशुदा की तलाश MP Suuny Deol” असं लिहिलेलं असल्याचे पोस्टर सार्वजनिक ठिकाणी जागोजागी लावण्यात आले आहेत. या पोस्टर लावण्यात आल्यानंतर गुरूदासपुरमधील राजकारण तापल्याचे दिसत आहे.

भाजपाने लोकसभा निवडणुकीच्यावेळी गुरुदासपुर येथून सनी देओल यांना उमेदवारी दिली होती. देओल यांनी पंजाब काँग्रेसचे अध्यक्ष सुनील जाखर यांच्याविरोधात ही निवडणूक लढवली व त्यांचा पराभव केला होता.यापूर्वी गुरुदासपूर येथून भाजपाचे उमेदवार अभिनेते-राजकारणी विनोद खन्ना खासदार होते. मात्र, त्यांच्या निधनानंतर या जागेसाठी भाजपा नव्या चेहऱ्याच्या शोधात होती. तो त्यांना सनी देओल यांच्या रुपाने मिळाला.