मध्य प्रदेशचे मुख्यमंत्री शिवराजसिंह चौहान यांनी सिव्होर जिल्ह्य़ातील बुधनी मतदारसंघातून अर्ज भरला. त्याच प्रमाणे विरोधी पक्षनेते अजय सिंह यांनी चुऱ्हाट मतदारसंघातून अर्ज दाखल केला.चौहान यांनी गेल्या दोन निवडणुका या मतदारसंघातून जिंकल्या आहेत. तर काँग्रेस नेते असलेले अजय सिंह १९८५ पासून ते या मतदारसंघातून विजयी होत आहेत. १९९३ मध्ये भोजपूर मतदार संघातून भाजपचे ज्येष्ठ नेते सुंदरलाल पटवा यांच्या विरोधात ते पराभूत झाले होते. मध्य प्रदेशमध्ये २५ नोव्हेंबरला मतदान होणार आहे.
