23 September 2020

News Flash

नागेश्वरराव यांना अखेरचा निरोप

तेलुगू चित्रपटसृष्टीचे अध्वर्यू अक्केनेनी नागेश्वरराव यांना सोमवारी हजारो चाहते, नामवंत चित्रपट कलाकार आणि मान्यवरांच्या उपस्थितीत साश्रुनयनांनी अखेरचा निरोप देण्यात आला.

| January 24, 2014 12:12 pm

तेलुगू चित्रपटसृष्टीचे अध्वर्यू अक्केनेनी नागेश्वरराव यांना सोमवारी हजारो चाहते, नामवंत चित्रपट कलाकार आणि मान्यवरांच्या उपस्थितीत साश्रुनयनांनी अखेरचा निरोप देण्यात आला.
नागेश्वरराव यांचे दोन पुत्र वेंकट, अभिनेता नागार्जुन तसेच अन्य कुटुंबीयांनी येथील अन्नपूर्णा स्टुडियोत नागेश्वरराव यांच्या पार्थिवास अग्नी दिला. त्याआधी नागेश्वरराव यांच्या कुटुंबीयांखेरीज त्यांच्या नातवंडांनीही राव यांना आदरांजली अर्पण केली. तत्पूर्वी, नागेश्वरराव यांचे असंख्य चाहते तसेच त्यांच्या हितचिंतकांना राव यांचे अंत्यदर्शन घेता यावे, यासाठी त्यांचे पार्थिव ‘फिल्म चेंबर’ इमारतीत काही काळ ठेवण्यात आले होते. त्यानंतर त्यांचे पार्थिव अन्नपूर्णा स्टुडियोत नेण्यात आले. त्यावेळी निघालेल्या अंत्ययात्रेत राव यांचे हजारो चाहते सामील झाले होते.
केंद्रीय पर्यटनमंत्री चिरंजीवी, माजी मंत्री टी. सुब्बिरामी, राज्यमंत्री के.व्ही.कृष्णा रेड्डी, डी.नागेंद्र, ज्येष्ठ निर्माते डी. रामा नायडू व लोकप्रिय अभिनेता व्यंकटेश हेही नागेश्वरराव यांना निरोप देण्यासाठी उपस्थित होते.
दरम्यान, नागेश्वरराव यांना गुरुवारी कर्नाटक विधानसभेत श्रद्धांजली अर्पण करण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2014 12:12 pm

Web Title: nageswara rao cremated at annapurna studios
Next Stories
1 पीएच.डी हवी तर दोन वर्षे पूर्ण रजा घ्या !
2 अरब अमिरातीतील १० टक्केच भारतीय कैदी मायदेशी परतण्यास तयार
3 लडाखी नागरिकांना प्रथमच लष्कराकडून शौर्य पुरस्कार
Just Now!
X