24 February 2021

News Flash

रिलेशनशिपमधील तणावामुळे अल्पवयीन जलतरणपटूची आत्महत्या

२०१६ मध्ये कोलंबो येथे पार पडलेल्या साऊथ एशियन अॅक्वेटिक्स चँपियनशिपमध्ये तिने दोन पदकांची कमाई केली होती.

छाया सौजन्य- सोशल मीडिया

राष्ट्रीय स्तरावरील जलतरणपटू मौप्रिया मित्रा (१५) हिने कोलकाता येथील तिच्या राहत्या घरी गळफास लावून आत्महत्या केली आहे. कोलकात्यापासून ५० किमी अंतरावर असणाऱ्या हुगळी जिल्ह्यात येणाऱ्या मानसपूर येथे ही घटना घडल्याचं वृत्तं ‘एएनआय’ या वृत्तसंस्थेने प्रसिद्ध केलं.

सोमवारी सायंकाळी तिला मृतहेद घराच्या सिलिंगला लटकल्याचं आढळून आलं. ज्यानंतर तिचा मृतहेद रुग्णालयात पाठवण्यात आला. ‘मृत तरुणी ही रिलेशनशिपमध्ये असणाऱ्या ताणतणावामुळे नैराश्यग्रस्त होती. त्यामुळे आता याविषयीचा पुढील तपास करण्यास सुरुवात केली’, अशी माहिती संबंधित पोलिस अधिकाऱ्यांनी दिली.

वाचा : कास्टिंग काऊचच्या मुद्द्याला राईचं पर्वत केलं जातंय- रिचा चड्ढा

२०१६ मध्ये कोलंबो येथे पार पडलेल्या साऊथ एशियन अॅक्वेटिक्स चँपियनशिपमध्ये तिने दोन पदकांची कमाई केली होती. ज्यामध्ये एका सुवर्ण आणि एका रौप्य पदकाचा समावेश होता. सध्या ती इयत्ता दहावीच्या वर्गात शिकत असून, जिम्नॅस्टीक्समध्येही तिने आपल्या करिअरची सुरुवात केली होती. पण, एका अपघातामुळे तिच्या पायांना दुखापत झाली होती. या अपघाताने खचून न जाता तिने जलकरणाचं प्रशिक्षण घेत याच क्षेत्रात उल्लेखनीय कामगिरी केली होती. दरम्यान, तिच्या मृतदेहापाशी कोणत्याही प्रकारचं पत्र न सापडल्यामुळे आता तिच्या आत्महत्येविषयीचं गूढ कायम आहे असंच म्हटलं जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 1, 2018 12:42 pm

Web Title: national level swimmer allegedly commits suicide in bengal she was 15 moupriya mitra
Next Stories
1 महाराष्ट्र दिनानिमित्त ममता बॅनर्जींच्या मराठीतून शुभेच्छा
2 धडक दिली म्हणून गायीविरोधात गुन्हा दाखल, पोलीस हैराण
3 ‘सप-बसप एकत्र लढले तरीही 2019 मध्ये भाजपाला विजयापासून रोखू शकत नाही’
Just Now!
X