26 January 2021

News Flash

राष्ट्रीय पोलिओ लसीकरण मोहीम तूर्त लांबणीवर

राष्ट्रीय प्रतिरक्षा दिन हा पल्स पोलिओ लसीकरण कार्यक्रमांतर्गत १७ जानेवारीला देशभरात पाळला जातो, त्या दिवशी पोलिओची लस दिली जाते

 

राष्ट्रीय पोलिओ प्रतिबंधक लस मोहीम काही कारणास्तव केंद्र सरकारने पुढील आदेशापर्यंत लांबणीवर टाकली आहे.

राष्ट्रीय प्रतिरक्षा दिन हा पल्स पोलिओ लसीकरण कार्यक्रमांतर्गत १७ जानेवारीला देशभरात पाळला जातो, त्या दिवशी पोलिओची लस दिली जाते. पुढील आदेशापर्यंत त्याची अंमलबजावणी स्थगित राहील, असे केंद्र सरकारने सर्व राज्यांना ९ जानेवारी रोजी पाठवलेल्या पत्रात म्हटले आहे.

केंद्रीय आरोग्य व कुटुंब कल्याणमंत्री हर्षवर्धन यांनी ८ जानेवारीला केलेल्या वक्तव्यात सांगितले होते, की १७ जानेवारीला ठरल्याप्रमाणे पोलिओ लसीकरण केले जाईल. दरम्यान आता १६ जानेवारीपासून कोविड १९ प्रतिबंधक लसीकरण सुरू करण्याची घोषणा पंतप्रधान नरेंद्र मोदी यांनी केली आहे. जगातील हा सर्वात मोठा लसीकरण कार्यक्रम आहे. बहुधा त्यामुळेच पोलिओ लसीकरण तूर्त लांबणीवर टाकण्यात आले असावे असा अंदाज आहे. पहिल्या टप्प्यात आघाडीवर काम करणाऱ्या तीन कोटी आरोग्य व इतर कर्मचाऱ्यांना करोनाची लस दिली जाणार आहे.

कोविड १९ लसीकरणाबाबत काही मार्गदर्शक तत्त्वे राज्यांना जारी करण्यात आली असून त्यात आरोग्य कर्मचारी व आघाडीवरील कर्मचारी, नंतर पन्नास वर्षे वयावरील व्यक्ती यांना लस देण्यात येईल, असे म्हटले आहे. करोनाची स्थिती पाहून त्यात सहआजार असलेल्या व्यक्तींनाही नंतर लस देण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2021 12:12 am

Web Title: national polio vaccination campaign postponed abn 97
Next Stories
1 अमेरिकेत महिला कैद्यास मृत्युदंड
2 अमेरिकन संसद भवन हिंसाचारप्रकरणी डोनाल्ड ट्रम्प यांच्यावर महाभियोग चालणार
3 विशेष विवाह कायदा: ३० दिवसांच्या पूर्व नोटीशीची बाधा संपुष्टात; हायकोर्टाचा महत्वाचा निर्णय
Just Now!
X