अरुणाचल प्रदेशमध्ये पुढील महिन्यात होणाऱ्या पंचायत आणि पालिका निवडणुका एकत्रितपणे लढण्याचे अरुणाचल प्रदेश राष्ट्रवादी काँग्रेस, आम आदमी पार्टी आणि पीपल्स पार्टी ऑफ अरुणाचल (पीपीए) यांनी ठरविले आहे.सदर दोन्ही निवडणुकांसाठी संयुक्त उमेदवारी देण्याचा निर्णय शुक्रवारी झालेल्या बैठकीत घेण्यात आला. त्याचप्रमाणे ३० सदस्यांच्या पालिकेसाठी जागावाटपही करण्यात आले, असे सूत्रांनी सांगितले. राज्यातील काँग्रेसच्या राजवटीमुळे जनतेला नैराश्याने ग्रासले असल्याने नवा पर्याय देण्यासाठी तीन पक्ष एकत्र आले असल्याचे मीडिया सचिव कालिंग जेरांग यांनी म्हटले आहे.
