07 April 2020

News Flash

योग दिनाच्या कार्यक्रमात ओंकाराची सक्ती नाही

आयुष मंत्री श्रीपाद नाईक यांची स्पष्टोक्ती, सूर्यनमस्कारही वगळले

| June 9, 2016 01:54 am

ही या बाबतीतील पहिलीच वैद्यकीय चिकित्सा असून, आठवडय़ातून दोन वेळा योगा केल्यामुळे कर्करोगावरील उपचार करताना काय फरक होतो, हे तपासण्यात आल्याचे संशोधकांनी सांगितले.

आयुष मंत्री श्रीपाद नाईक यांची स्पष्टोक्ती, सूर्यनमस्कारही वगळले
यंदाच्या आंतरराष्ट्रीय योग दिनी म्हणजे २१ जून रोजी होणाऱ्या कार्यक्रमात सूर्यनमस्कार आसनांचा समावेशच असणार नाही व ओंकाराची सक्ती केली जाणार नाही, असे आयुषमंत्री श्रीपाद नाईक यांनी सांगितले. खरेतर योगसाधनेत सूर्यनमस्कार व ओम नसेल तर ती अपूर्ण ठरते असे असताना हा निर्णय घेण्यात आला आहे.
यंदाच्या योगदिनानिमित्तही कोटय़वधी रुपयांचा खर्च होण्याची शक्यता आहे. सूर्यनमस्कार आसन गेल्यावर्षीही समाविष्ट केले नव्हते कारण ते गुंतागुंतीचे आहे. ४५ मिनिटांत ते करणे शक्य नाही कारण अनेकांना ते नवीन असू शकते, त्यामुळे सूर्यनमस्कारांना वगळले आहे, असे नाईक यांनी सांगितले. मुस्लिम समुदायाने सूर्यनमस्कार आसनाला विरोध केला होता कारण सूर्यनमस्कार त्यांच्या धार्मिकतेत बसत नाहीत. यावेळी पंतप्रधान नरेंद्र मोदी हे चंडीगड येथील योग कार्यक्रमात सहभागी होणार आहेत. ओमच्या उच्चारणाबाबत वाद असल्याचा इन्कार करून ते म्हणाले की, ओंकार सक्तीचा नाही. जेव्हा काही चांगले काम केले जाते तेव्हा त्याला विरोध होतोच. यावेळी ओंकाराला विरोध नाही पण तरी आम्ही तो सक्तीचा ठेवलेला नाही. हे खरे असले तरी ओंकाराशिवाय योगाला पूर्णत्व येत नाही. मुस्लिमांनी ओंकारास विरोध केला होता.
विद्यापीठे व महाविद्यालयांनी योग दिनी संस्कृत श्लोक पठण करावे तसेच आयुष मंत्रालयाने दिलेले नियम पाळावेत असे फर्मान विद्यापीठ अनुदान आयोगाने काढले आहे. सरकारने मात्र ओंकाराची सक्ती नसल्याचे म्हटले आहे.
२१ जूनला सुटी देणार का यावर विचारले असता नाईक यांनी सांगितले की, सुटीची गरज नाही. कुणी तशी मागणी केलेली नाही. गेल्यावर्षीही सुटीचा विषय निघाला नाही. योगासने सकाळी आठ वाजता केली जातात त्यामुळे सुटीची गरज नाही. जर मागणी आली तर पंतप्रधानांपुढे मांडली जाईल. यावर्षी २१ जूनला मंगळवार आहे, गेल्यावर्षी रविवार होता. मनुष्यबळ विकास मंत्रालयाने मात्र शाळांचे कामकाज सुरू राहील असे जाहीर केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 9, 2016 1:54 am

Web Title: om not must during yoga says ayush minister shripad naik
Next Stories
1 पठाणकोट हल्ल्यातील दहशतवाद्यांनाही पाकिस्तानने तातडीने शिक्षा करावी
2 बनावट पासपोर्टप्रकरणी छोटा राजनविरुद्ध आरोपपत्र
3 शांतता निर्देशांकात भारताचा १४१ वा क्रमांक
Just Now!
X