News Flash

धक्कातंत्राची पुनरावृत्ती?

नोटाबंदीचा निर्णय मोदी यांनी अनपेक्षितपणे जाहीर केला होता.

केंद्र सरकारने शपथपत्र दाखल करत आरबीआयच्या परिपत्रकाला विरोध करण्याची गेल्या ७० वर्षांतील ही पहिलीच घटना असल्याचे जयराम रमेश यांनी यावेळी सांगितले.

पंतप्रधान नरेंद्र मोदी यांच्या सरकारविरोधात विरोधकांनी अविश्वासदर्शक ठराव मांडला असला तरी सरकार हा ठराव येऊच देणार नाही, या विरोधकांच्या मनातील विश्वासाला पूर्ण धक्का बसला आहे. हा ठराव शुक्रवारीच चर्चेला येत असून हा ठराव पराभूत होईल, या ठाम विश्वासाने सरकार वावरत आहे. इतकेच नव्हे, तर चर्चेला उत्तर देताना मोदी हे आपल्या धक्कातंत्राचाही वापर करतील, अशा चर्चेला उधाण आले आहे.

नोटाबंदीचा निर्णय मोदी यांनी अनपेक्षितपणे जाहीर केला होता. त्यावेळी मोदी यांच्या धक्कातंत्राचा प्रत्यय विरोधकांनीही पुरेपूर घेतला होता. राजकीय खेळीत मोदी विरोधकांवर याच तंत्राच्या जोरावर काहीवेळा मात करतात, हा पूर्वानुभव असल्याने शुक्रवारच्या अविश्वास ठरावाचे पर्यवसान नेमके कशात होणार, याबाबत राजकीय वर्तुळात उलटसुटल चर्चा सुरू आहे.

गेल्या अधिवेशनातही लोकसभेत सरकारविरोधात अविश्वासदर्शक ठराव मांडला गेला होता. मात्र त्यावेळी विरोधकांनी उपस्थित केलेल्या अनेक गंभीर मुद्दय़ांवर चर्चा करण्यात सरकारच टाळाटाळ करीत आहे, असे चित्र होते. इतकेच नव्हे तर सभापती सुमित्रा महाजन यांनीही या ठरावावर चर्चा घडविण्यास नकार दिला होता. विरोधकांच्या गोंधळाचे कारण त्यासाठी त्यांनी पुढे केले होते. वित्त विधेयक मंजूर करून घेताना मात्र त्यांनी या विरोधाचे कारण नजरेआड केले होते. त्यामुळे त्यांच्यावर चहूबाजूंनी टीकाही झाली होती.

यावेळी मात्र सभापती महाजन यांनी विरोधकांनी मांडलेला अविश्वासदर्शक ठराव नुसता स्वीकारलाच नाही, तर त्यावर अवघ्या ४८ तासांत चर्चाही होऊ देण्यास त्यांनी वाव दिला आहे. सरकारच्या या अनपेक्षित ‘विश्वासा’मुळे विरोधकांच्या गोटातही खळबळ उडाली आहे. विरोधकांचा ठराव स्वीकारून विरोधकांमध्ये फूट पाडण्याचाही डाव असल्याचे बोलले जाते. तसेच विरोधकांमधील मतभेदांवर बोट ठेवत पंतप्रधान मध्यावधी निवडणुकीसारखी एखादी अनपेक्षित घोषणा करतील काय, याबाबतही दबकी चर्चा सुरू झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 20, 2018 12:48 am

Web Title: opposition to bring no confidence motion against modi government in parliament 2
Next Stories
1 ट्रायने नियम बदलले, नको त्या कॉल आणि मेसेजच्या कटकटीतून सूटका
2 अविश्वास प्रस्ताव : सरकारला पाठिंब्याबाबत शिवसेनेच्या भुमिकेवर अद्यापही प्रश्नचिन्ह
3 देशाला आता नव्या पंतप्रधानांची गरज -अखिलेश यादव
Just Now!
X