भारतात गेल्या काही दिवसांपासून करोना रुग्णसंख्या वाढत असून चिंताजनक परिस्थिती आहे. गेल्या २४ तासात देशात तब्बल ५९ हजार ११८ नव्या रुग्णांची नोंद झाली आहे. यासोबतच देशातील करोनाबाधित रुग्णसंख्या १ कोटी १८ लाख ४६ हजार ६५२ इतकी झाली आहे. दोन आठवड्यांपासून देशातील करोना रुग्णसंख्या सतत वाढत असून केंद्र सरकार वारंवार लोकांना मास्क वापरणं तसंच सोशल डिस्टन्सिंगचं पालन करण्याचं आवाहन करत आहे. भारतात गेल्या २४ तासात ५९ हजार ११८ नवे रुग्ण आढळले असून ३२ हजार ९८७ रुग्ण उपचारानंतर बरे झाले आहेत. केंद्रीय आरोग्य मंत्रालयाकडून ही माहिती देण्यात आली आहे. India reports 59,118 new COVID19 cases, 32,987 recoveries, and 257 deaths in the last 24 hours, as per the Union Health Ministry Total cases: 1,18,46,652 Total recoveries: 1,12,64,637 Active cases: 4,21,066 Death toll: 1,60,949 Total vaccination: 5,55,04,440 pic.twitter.com/GEzQNlbjLb — ANI (@ANI) March 26, 2021 देशातील एकूण रुग्णसंख्या १ कोटी १८ लाख ४६ हजार ६५२ इतकी झाली असून १ कोटी १२ लाख ६४ हजार ६३७ रुग्ण उपचारानंतर बरे झाले आहेत. देशात सध्या ४ लाख २१ हजार ६६ अॅक्टिव्ह रुग्ण आहेत. तर करोनामुळे मृत्यू झालेल्यांची संख्या १ लाख ६० हजार ९४९ इतकी आहे. देशात आतापर्यंत ५ कोटी ५५ लाख ४ हजार ४४० जणांचं लसीकरण करण्यात आलं आहे.