News Flash

पेट्रोल आणि डिझेलच्या किंमतीत पुन्हा कपात

पेट्रोल २२ पैसे प्रति लिटर तर डिझेल २१ पैसे प्रति लिटर स्वस्त

पेट्रोलचे प्रति लिटर दर नव्वदी पार करणार का? तर डिझेलचे दर प्रतिलिटर ८० ते ८५ रुपयांचा आकडा गाठणार का? असा प्रश्न सामान्य जनतेला पडलेला असतानाच गेल्या पंधरा दिवसांपासून या दरांमध्ये कपात बघायला मिळते आहे. आजही पेट्रोल आणि डिझेलचे दर कमी झाले आहेत. पेट्रोलचे दर प्रति लिटर २२ पैशांनी तर डिझेलचे दर २१ पैशांनी कमी झाले आहेत. मुंबईत पेट्रोलचा दर हा ८४ रुपये ६ पैसे असेल तर डिझेलचा दर ७६ रुपये ६७ पैसे असेल.

मुंबईत असे दर असतानाच दिल्लीतही पेट्रोल आणि डिझेलच्या दरांमध्ये कपात झाली आहे. पेट्रोल दर २२ पैसे प्रति लिटर कमी झाल्याने दिल्लीत पेट्रोलचा दर ७८ रुपये ५६ पैसे इतका झाला आहे. तर डिझेलच्या दरांमध्ये प्रति लिटर २० पैशांची कपात झाल्याने दिल्लीत एक लिटर डिझेलसाठी ७३ रुपये १६ पैसे मोजावे लागणार आहेत. एएनआय या वृत्तसंस्थेने या संदर्भातले वृत्त दिले आहे.  आंतरराष्ट्रीय बाजारात कच्च्या तेलांच्या किंमती घटल्याने भारतातही पेट्रोल आणि डिझेलच्या दरांमध्ये कपात होताना दिसते आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 5, 2018 7:06 am

Web Title: petrol price cut by 22 paise and diesel price cut by 21 paise per liter in mumbai
Next Stories
1 इराणवरील तेलनिर्यात निर्बंध आजपासून
2 रिझर्व्ह बँकेचे गव्हर्नर उर्जित पटेलांना कारणे दाखवा नोटीस
3 महाराष्ट्राच्या जवानाला हेरगिरीप्रकरणी अटक
Just Now!
X