News Flash

पेट्रोल १६ पैशांनी स्वस्त, डिझेलचे दर जैसे थे

डिझेलच्या दरांमध्ये कोणताही बदल झालेला नाही

प्रतिकात्मक छायाचित्र

पेट्रोलचे प्रति लिटर दर मुंबईत १६ पैशांनी तर दिल्लीत १८ पैशांनी कमी झाले आहेत. गेल्या काही दिवसांपासून पेट्रोल आणि डिझेलच्या दरांमध्ये घट झाल्याचे पाहायला मिळते आहे. अशात डिझेलचे दर जैसे थे ठेवत पेट्रोल १६ पैशांनी स्वस्त झाले आहे.
३१ ऑक्टोबरला पेट्रोल आणि डिझेलच्या दरांमध्ये कोणतीही घट किंवा वाढ बघायला मिळाली नाही. मुंबईत पेट्रोलचा दर प्रति लिटर ८४ रुपये ८६ पैसे असा असेल. तर डिझेलचा दर जैसे थे म्हणजेच ७७ रुपये ३२ पैसे इतका असेल. दिल्ली पेट्रोल १८ पैशांनी स्वस्त झाले आहे. त्यामुळे दिल्लीत प्रति लिटर पेट्रोलचा दर ७९ रुपये ३७ पैसे असेल. तर डिझेलच्या दरांमध्ये कोणताही फरक न पडल्याने डिझेलचा दर प्रति लिटर ७३ रुपये ७८ पैसे इतका असेल.

पेट्रोलच्या दरांनी नव्वदी गाठली होती, तर डिझेलचे दर ८० रुपये प्रति लिटरच्या पुढे गेले होते. मात्र गेल्या काही दिवसांपासून हे दर काही प्रमाणात का होईना पण कमी होताना दिसत आहेत. दिवाळी तोंडावर आलेली असताना हा काही अंशी का होईना दिलासा मिळताना दिसतो आहे. एएनआयने या संदर्भातले वृत्त दिले आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 1, 2018 6:32 am

Web Title: petrol prices in mumbai today are 84 86 per litre decrease by 16 paise
Next Stories
1 दर्दे दिल, दर्दे जिगर दिल्लीमें जगाया ‘आप’ने म्हणत गंभीरचा केजरीवालांवर निशाणा
2 रिझव्‍‌र्ह बँक आणि सरकार संघर्ष विकोपाला
3 उद्योगसुलभतेत भारत ७७ व्या क्रमांकावर
Just Now!
X