04 March 2021

News Flash

फिलिपाईन्सच्या राष्ट्राध्यक्षांनी अपशब्द वापरल्यानंतर ओबामांनी बैठक केली रद्द

ओबामांनी जगाला मानवाधिकाराचे धडे देण्याची गरज नसल्याचे त्यांनी म्हटले आहे.

फिलिपाईन्सचे राष्ट्रध्यक्ष रोड्रिगो दुत्तरत्ते हे याच वर्षी मे महिन्यात सत्तेवर आले आहेत.

फिलिपाईन्सचे राष्ट्रध्यक्ष रोड्रिगो दुत्तरत्ते यांनी अमेरिकेचे राष्ट्राध्यक्ष बराक ओबामांना अपशब्द वापरल्यामुळे नव्या वादाला तोंड फुटले आहे. दुत्तरत्ते यांनी ओबामा यांच्या आईबाबत टिप्पणी करत ओबामांनी मानवाधिकारावर जगाला धडे देण्याची गरज नाही. तुम्हाला जगासमोर नम्र व्हावे लागेल. मी तुमचा निषेध करतो, अशा कठोर शब्दात सुनावले. दरम्यान, दुत्तरत्ते यांनी ओबामांची माफी मागितली आहे. पण बराक ओबामा यांनी मात्र त्यांच्याबरोबर होणारी बैठक रद्द केली आहे.
लाओसमध्ये मंगळवारी आसियान (दक्षिण पूर्व देशांची संघटना) संमेलनात ओबामा आणि दुत्तरत्ते हे आमनेसामने येण्याची शक्यता आहे. गेल्या दोन महिन्यांपासून फिलीपाईन्समध्ये अंमली पदार्थ विक्री करणाऱ्या टोळीवर सुरू असलेल्या कारवाईत आतापर्यंत २४०० हून अधिक लोकांचा मृत्यू झाला असल्याचे सांगितले जाते. त्यामुळे या कारवाईबाबत ओबामा आपल्याला जाब विचारतील अशी चिंता दुत्तरत्ते यांना आहे. या संमेलनात दुत्तरत्ते आणि ओबामा यांच्या द्विपक्षीय चर्चा होणार होती. परंतु दुत्तरत्ते यांच्या वक्तव्यामुळे बराक ओबामांनी ही बैठक रद्द केल्याचे समजते.
दुत्तरत्ते हे रंगेल व्यक्ती असल्याची टीका ओबामा यांनी केली. त्यांनी आपल्या अधिकाऱ्यांना दुत्तरत्ते यांच्याशी बैठकीची गरज नसल्याचे म्हटले आहे. दुत्तरत्ते हे याचवर्षी मे महिन्यात सत्तेवर आले आहेत. त्यांनी ड्रग माफियाचे समूळ उच्चाटन करण्याचे जाहीरनाम्यात म्हटले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 6, 2016 10:41 am

Web Title: philippines president rodrigo dutertes abuse us president barack obama
Next Stories
1 ११ वर्षांत पहिल्यांदाच सुप्रीम कोर्टात एकही मुस्लिम न्यायाधीश नाही!
2 यूपीत भाजपचा पुन्हा ‘रामनामा’चा जप; रामाशिवाय विकास शक्य नसल्याचा दावा
3 आता रेल्वेतून विनातिकिट प्रवास करणाऱ्यांना द्यावा लागणार नाही दंड
Just Now!
X