पोलिसांनी पहाटे फोन करुन खोटी तक्रार देणाऱ्या एका व्यक्तीला अटक केली आहे. या व्यक्तीने फोन करुन पत्नीवर बलात्कार झाल्याची तसंच हत्या झाल्याची खोटी तक्रार दिली होती. नरेश सिंह असं या व्यक्तीचं नाव असून पोलिसांनी कारवाई करत खोटी तक्रार दिल्याप्रकरणी तसंच पोलिसांची दिशाभूल केल्याप्रकरणी अटक केली आहे. 'पहाटे पाच वाजता त्याने १०० नंबरवर पोलिसांना फोन केला आणि आपल्या पत्नीवर बलात्कार झाला असून, हत्या करण्यात आल्याचा दाव केला. यानंतर पोलिसांचं पथक तात्काळ घटनास्थळी पोहोचले. पण तिथे पोहोचल्यानंतर असं काहीच झालं नसल्याचं त्यांच्या लक्षात आलं', अशी माहिती पोलीस अधिकाऱ्याने दिली आहे. 'त्याची पत्नीही तिथे उपस्थित होती आणि तिला काहीही झालेलं नव्हतं', असंही अधिकाऱ्याने सांगितलं आहे. पोलिसांनी कारवाई करत नरेश सिंह याला अटक केली आहे.
