04 July 2020

News Flash

RFL Case: २३०० कोटींचा गैरव्यवहार केल्याप्रकरणी रॅनबॅक्सीच्या माजी प्रवर्तकाला अटक

ईडीने रेलिगेयर फिनवेस्ट लिमिटेडमध्ये (आरएफएल) केलेल्या पैशांच्या गैरव्यवहार प्रकरणी ही कारवाई करण्यात आली

औषध निर्माण क्षेत्रातील नामांकित कंपनी असलेल्या रॅनबॅक्सीचे माजी प्रवर्तक मलविंदर सिंह यांना मनी लॉण्ड्रिंग प्रकरणी अटक करण्यात आली आहे. रेलिगेयर फिनवेस्ट लिमिटेडटच्या (आरएफएल) फंडमध्ये करण्यात आलेल्या २३०० कोटींच्या गैरव्यवहाराप्रकरणी ही अटकेची कारवाई करण्यात आली. मलविंदर सिंह यांना सक्तवसुली संचलनालयाकडून (ईडी) अटक करण्यात आली आहे . मलविंदर सिंह यांच्यासोबत रेलिगेयर एंटरप्रायजेजचे माजी सीएमडी सुनील गोधवानी यांनाही अटक करण्यात आली आहे.

आरोप आहे की, मलविंदर सिंह आणि सुनील गोधवानी यांनी आरएफएलच्या फंडमध्ये घोटाळा केला असून यामुळे २३९७ कोटींचं नुकसान झालं. ईडीने तिहार जेलमधून दोघांचाही ताबा घेतला आहे. सध्या एका घोटाळ्याप्रकरणी दोघेही तिहार जेलमध्ये असून तिथेच ईडीने त्यांना अटक केली असल्याची माहिती प्रकरणाशी संबंधित वकिलाने दिली आहे. सिंह आणि गोधवानी दोघांनाही कारागृहात महानगर दंडाधिकाऱ्यांसमोर हजर करण्यात येणार आहे. यावेळी ईडी चौकशीसाठी त्यांच्या कोठडीची मागणी करणार आहे.

ऑक्टोबर महिन्यात दिल्ली पोलिसांच्या आर्थिक गुन्हे शाखेने मलविंदर यांना त्यांचा भाऊ शिविंदर, गोधवानी, कवी अरोरा आणि अनिल सक्सेना यांना अटक केली होती. डिसेंबर २०१८ मध्ये रेलिगेयर फिनवेस्ट लिमिटेडने दिल्ली पोलिसांच्या आर्थिक गुन्हे शाखेकडे तक्रार दाखल केली होती. त्यासंदर्भात आर्थिक गुन्हे शाखेने त्यांना चौकशीसाठी बोलावलं होतं. चौकशी झाल्यानंतर त्या दोघांनाही पोलिसांनी जेरबंद केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 14, 2019 6:14 pm

Web Title: rfl case ed arrest fortis healthcare promoter malvinder singh sunil godhwani sgy 87
Next Stories
1 महाराष्ट्रातील राष्ट्रपती राजवटीचं नितीश कुमार यांच्याकडून समर्थन
2 इस्लामिक स्टेटने अफगाणिस्तानकडे वळवला मोर्चा, भारताला धोका
3 ममता बॅनर्जींचे राज्यपाल कोश्यारींवर टीकास्त्र; पहा काय म्हणाल्या…
Just Now!
X