News Flash

न्यायप्रक्रियेवर प्रश्न उपस्थित करणाऱ्या झाकिर नाईकला सलमान खुर्शीद यांचे उत्तर

नाईकने काही दिवसांपूर्वी भारतात परतण्याबाबत विचारलेल्या प्रश्नावर उत्तर देताना न्यायव्यवस्थेवर प्रश्न उपस्थित केले होते.

सलमान खुर्शीद व झाकिर नाईक

वादग्रस्त मुस्लिम धर्मप्रचारक झाकिर नाईककडून भारताच्या न्याय व्यवस्थेवर प्रश्न उपस्थित करण्यात आले होते. यावरुन माजी केंद्रीय मंत्री आणि काँग्रेसचे ज्येष्ठ नेते सलमान खुर्शीद यांनी त्याला सडेतोड उत्तर दिले आहे.


भारतातील न्याय प्रक्रिया सदोष असल्याचे सांगत त्यावर प्रश्न उपस्थित करणाऱ्या नाईकला उत्तर देताना खुर्शीद म्हणाले, आपल्याकडे न्यायव्यवस्थेत थोडा विलंब होऊ शकतो मात्र, न्याय जरुर मिळतो. जो कोणी न्यायव्यवस्थेच्या फेऱ्यात येतो किंवा कोणावरही आरोप झाले तर त्याच्यामध्ये न्याय प्रक्रिया झेलण्याचे धाडस असायला हवे.

इस्लामिक धर्मगुरु असलेल्या नाईकने काही दिवसांपूर्वी भारतात परतण्याबाबत विचारलेल्या प्रश्नावर उत्तर देताना म्हटले होते की, जोपर्यंत भारतातील न्याय प्रक्रिया ठीक होत नाही तोपर्यंत मी भारतात येणार नाही. यावरुन देशात चर्चांना सुरुवात झाली होती. नाईकचा हा उद्दामपणा असल्याचेही काहींचे म्हणणे होते.

झाकिर नाईक हा एक वादग्रस्त मुस्लिम धर्मोपदेशक आहे. त्याच्यावर कट्टरपंथी विचारधारा पसरवण्याचा आरोप आहे. इस्लामिक रिसर्च फाऊंडेशन या संस्थेचा तो संस्थापक आहे. पीस टीव्ही नावाचा एक चॅनेलही तो चालवत होता. हा चॅनेलही अनेक कारणांनी वादात सापडला होता. झाकिर नाईक ऊर्दू किंवा अरबी भाषेत व्याख्यान न देता इंग्रजीत व्याख्यान देतो. तसेच परंपरागत कपडे न घालता तो सूट आणि टाय वापरतो.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2018 4:55 pm

Web Title: salman khurshids answer to zakir naika who has questioned the justice process
Next Stories
1 कोलकातामधील प्लेस्कूलमध्ये दोन वर्षाच्या मुलावर लैंगिक अत्याचार, पॉस्कोअंतर्गत गुन्हा दाखल
2 जाणून घ्या कसा निश्चित केला जातो हमीभाव
3 चिमुकलीसाठी बाबाच झाला आई, मुलीला दूध पाजतानाचा फोटो व्हायरल
Just Now!
X