News Flash

इम्रान खान यांच्याकडून पुन्हा राजकीय शिष्टाचाराचे उल्लंघन

यापूर्वीही त्यांनी राजकीय शिष्टाचाराचे उल्लंघन केले होते.

किरगिझस्तानची राजधानी बिश्केक येथे शांघाय सहयोग संघटनेच्या उद्घाटनप्रकरणी पाकिस्तानचे पंतप्रधान इम्रान खान यांनी राजकीय शिष्टाचाराचे उल्लंघन केल्याची माहिती समोर आली आहे. पाकिस्तान तेहरिक-ए-इन्साफच्या अधिकृत ट्विटरवर हँडलवर एक व्हिडीओ शेअर करण्यात आला आहे. यामध्ये ते राजकीय शिष्टाचाराचे उल्लंघन करताना दिसत आहेत.

बैठकीदरम्यान हॉलमध्ये एससीओ सदस्य देशांचे प्रमुख एक एक करून आत प्रवेश करताना दिसत आहेत. त्यावेळी हॉलमध्ये उपस्थित असलेले अन्य देशांचे प्रमुख त्यांच्या सन्मानार्थ उठून उभे राहिले. परंतु यादरम्यान, पंतप्रधान इम्रान खान मात्र आपल्या जागेवर बसलेले दिसत आहेत. परंतु ज्यावेळी त्यांना केवळ आपणच बसलेलो आहोत याची जाणीव झाली त्यावेळी इतर सदस्यांबरोबर ते उठून उभे राहिले. यानंतर पुन्हा इतर सदस्य आपल्या जागेवर बसण्यापूर्वी इम्रान खान आपल्या जागेवर बसले.

यापूर्वीही त्यांनी राजकीय शिष्टाचाराचे उल्लंघन केले होते. सौदी अरेबियामध्ये आयोजित करण्यात आलेल्या 14 व्या ओआयसी परिषदेतही त्यांनी राजकीय शिष्टाचाराचे उल्लंघन केल्याचा प्रकार घडला होता. सौदी अरेबियाचे किंग सलमान बिन अब्दुलाजीज यांच्याशी इम्रान खान यांची चर्चा सुरू होता. तसेच त्यावेळी सलमान बिन अब्दुलाजीज यांचे अनुवादक इम्रान खांन यांनी दिलेली माहिती अनुवादीत करून त्यांना सांगत होते. परंतु अनुवाद संपण्यापूर्वीच इम्रान खान त्या ठिकाणाहून निघून गेले होते. त्यानंतर याचा व्हिडीओही सोशल मीडियावर व्हायरल झाला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2019 12:42 pm

Web Title: sco summit pakistan pm imran khan breaks diplomatic protocol jud 87
Next Stories
1 दहशतवादासाठी पाकिस्तानला जबाबदार ठरवा, मोदींची अप्रत्यक्ष मागणी
2 काँग्रेसने पाठ्यपुस्तकातून हटवला सावरकरांचा ‘वीर’ हा उल्लेख
3 काँग्रेसप्रणीत UPA मुळे चांद्रयान-२ च्या लॉन्चिंगला सात वर्ष उशीर – इस्त्रोचे माजी अध्यक्ष
Just Now!
X