News Flash

जामा मशिदीच्या दुरुस्तीसाठी शाही इमामांचं पंतप्रधान मोदींना साकडं

भारतीय पुरातत्व विभागाने पाहणी करुन दुरुस्ती करण्याची विनंती

१७ व्या शतकात बांधलेल्या या ऐतिहासिक मशिदीचा एक मिनार खराब झाला आहे

दिल्लीच्या ऐतिहासिक जामा मशिदेचे शाही इमाम बुखारी यांनी पंतप्रधान मोदी यांना पत्र लिहित मशिदीच्या दुरुस्ती करण्याची विनंती केली आहे. शुक्रवारी आलेल्या वादळामुळे मशिदिच्या एका मिनारचा स्लॅब कोसळला. यामुळे खालच्या फरशीचेदेखील नुकसान झालं आहे. बुखारी यांनी पडलेल्या दगडांचे, झालेल्या नुकसानाचे आणि मिनारच्या जीर्ण अवस्थेचे फोटोही त्यांनी या पत्रासोबत जोडले आहेत.

भारतीय पुरातत्व विभागाने (एएसआय) स्मारकाची पाहणी करावी आणि आवश्यक दुरुस्तीचे काम करावे यासाठी सय्यद अहमद बुखारी यांनी रविवारी पंतप्रधानांना पत्र लिहिले आहे. ४ जून रोजी आलेल्या वादळात १७ व्या शतकात बांधलेल्या या ऐतिहासिक मशिदीचा एक मिनार खराब झाला आहे.

“जामा मशिदीमध्ये दुरुस्ती करण्याची गरज आहे. गेल्या ५० वर्षांपासून मिनारांच्या दुरुस्तीसाठी कोणतंही काम करण्यात आलं नाही. दुरुस्तीचे काम कधी कधी करण्यात येत पण मशिदिची आता भारतीय पुरातत्व विभागाने पाहणी करणे आवश्यक आहे. स्मारकाचे अनेक दगड जीर्ण अवस्थेत आहेत आणि बर्‍याचदा ते खाली पडतात. कालदेखील मिनारवरुन काही दगड पडले, परंतु लॉकडाऊनमुळे मशिद बंद असल्याने मोठा अपघात टळला”, असे बुखारी यांनी पंतप्रधानांना लिहिलेल्या पत्रात म्हटले आहे.

शाहजानने १६५६ मध्ये केली होती जामा मिशिदीची निर्मिती

ऐतिहासिक जामा मशिदीची देखभाल करण्याची जबाबदारी दिल्ली वक्फ बोर्डावर आहे. ही मशिद मुघल शासक शाहजानने १६६५ मध्ये बांधली होती. शुक्रवारी, ६० किमी प्रतितास वेगाने वाहणाऱ्या वाऱ्यांमुळे मशिदीच्या एका मिनारमधून लाल दगड पडला. यामुळे मशिदीच्या समोरच्या भागातही यामुळे नुकसान झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 7, 2021 10:38 am

Web Title: shahi imam ahmed bukhari seeks pm modi help in repair of jama masjid abn 97
Next Stories
1 मुलगी झाल्यानंतर पत्नीला माहेरुन आणत असताना विहिरीजवळ नेलं अन्…; धक्कादायक घटनेने गाव हादरलं
2 Coronavirus: मृतांची संख्या प्रथमच तीन हजारांच्या खाली, करोनामुक्तांची संख्या बाधितांपेक्षा जास्तच!
3 गुजरातमध्ये गायींवर होणार संशोधन; राज्यपालांच्या हस्ते केंद्राचं उद्घाटन
Just Now!
X