28 May 2020

News Flash

नवऱ्याने बायकोला धडा शिकवण्यासाठी तिच्या वडिलांची केली हत्या

पत्नीला धडा शिकवण्यासाठी जावयाने सासऱ्याची हत्या केली. पत्नी माहेरी राहत असल्याने संतापलेल्या पतीने पत्नीला तिच्या वडिलांची हत्या केली. प्रभू दयाल असे मृत व्यक्तिचे नाव आहे.

पत्नीला धडा शिकवण्यासाठी जावयाने सासऱ्याची हत्या केली. दिल्लीच्या पांडव नगर भागात रविवारी संध्याकाळी ही दुर्देवी घटना घडली. घर सोडून गेलेली पत्नी माहेरी राहत असल्याने संतापलेल्या पतीने पत्नीला धडा शिकवण्यासाठी तिच्या वडिलांची हत्या केली. प्रभू दयाल असे मृत व्यक्तिचे नाव असून दिल्ली पोलिसांना संध्याकाळी चारच्या सुमारास या घटनेची माहिती मिळाली. प्रभू दयाल यांच्या मुलानेच सर्वप्रथम त्यांना रक्ताच्या थारोळयात पडलेले पाहिले. त्याने लगेच पोलिसांनी माहिती दिली.

पोलिसांचे पथक घटनास्थळी पोहोचल्यानंतर त्यांनी प्रभू दयाल यांना लाल बहादूर शास्त्री रुग्णालयात नेले त्यावेळी डॉक्टरांनी प्राथमिक तपासणीनंतर त्यांना मृत घोषित केले. आरोपी नीरज फरार झाला असून त्याला पकडण्यासाठी पोलिसांनी पथके स्थापन केली आहेत अशी माहिती डीसीपी पंकज सिंह यांनी दिली. नीरजचे डिसेंबर २०१६ मध्ये दयाल यांच्या मुलीबरोबर लग्न झाले. हा प्रेमविवाह होता. लग्नानंतर काही आठवडयातच या जोडप्यामध्ये खटके उडू लागले.

त्यांच्यातील भांडण मिटल्यानंतर पुन्हा काही दिवसांनी त्यांच्यामध्ये भांडण सुरु व्हायचे असे पोलीस अधिकाऱ्याने सांगितले. एकदिवस वाद विकोपाला गेल्यानंतर नीरजच्या पत्नीने घर सोडले व वडिलांच्या घरी राहायला गेली. त्यानंतर नीरजने तिला अनेकदा घरी बोलवले पण तिने परत यायला नकार दिला. सर्व प्रयत्न करुन थकल्यानंतर अखेर नीरजने पत्नीला धडा शिकवण्यासाठी तिच्या वडिलांची हत्या केली. नीरज प्रभू दयाल यांच्या घरी आल्यानंतर त्याने चर्चेने वाद मिटवण्याचा प्रयत्न केला असावा. पण वाद वाढल्यानंतर त्याने प्रभू दयाल यांची चाकूने भोसकून हत्या केली असावी असा प्राथमिक निष्कर्ष पोलिसांनी काढला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2018 1:15 pm

Web Title: son in law killed wifes father
टॅग Death
Next Stories
1 महाभियोग प्रस्ताव फेटाळण्यासाठी इतकी घाई का ? अरविंद सावंत यांचा भाजपाला सवाल
2 पाणी प्रश्नावर भाजपा खासदार म्हणाले, माझा बाप पण ही समस्या सोडवू शकणार नाही
3 मृत्यू झाल्याच्या पाच तासानंतर अंत्यसंस्कारावेळी उठून बसला मृतदेह
Just Now!
X