News Flash

एअर इंडियाच्या विमानाची इमारतीला धडक

आंतरराष्ट्रीय विमानतळावर लँड झाल्यानंतर टर्मिनल ५ पासून ५० मीटर अंतरावर असलेल्या इमारतीला विमानाने धडक दिली.

एअर इंडियाच्या विमानाची इमारतीला धडक
दिल्लीवरुन स्टॉकहोमला गेलेल्या विमानात १७९ प्रवासी होते.

स्वीडनमधील स्टॉकहोम येथे एअर इंडियाच्या विमानाने इमारतीला धडक दिल्याची घटना समोर आली आहे. विमानातील सर्व प्रवासी सुखरुप असून या घटनेत विमानाच्या पंखाचे नुकसान झाले आहे.

दिल्लीवरुन स्टॉकहोमला गेलेल्या विमानात १७९ प्रवासी होते. आंतरराष्ट्रीय विमानतळावर लँड झाल्यानंतर टर्मिनल ५ पासून ५० मीटर अंतरावर असलेल्या इमारतीला विमानाने धडक दिली. विमानाच्या डाव्या पंखाचे यात नुकसान झाले आहे. सुदैवाने यात कोणतीही जीवितहानी झालेली नाही. सर्व प्रवाशांना सुखरुप विमानातून बाहेर काढण्यात आल्याची माहिती विमानतळ प्रशासनाने दिली. या घटनेमुळे विमानतळावरील वाहतूकीवर परिणाम झाला नाही, असेही अधिकाऱ्यांनी स्पष्ट केले. ही दुर्घटना कशी घडली याची चौकशी सुरु असल्याचेही त्यांनी सांगितले.

दरम्यान, एअर इंडियाच्या विमानाचा अपघात झाल्याची ही गेल्या दोन महिन्यातील दुसरी घटना आहे. यापूर्वी १२ ऑक्टोबर रोजी तिरुचिपल्ली येथे एअर इंडिया एक्स्प्रेसच्या विमानाची चाके ही उड्डाणानंतर भिंतीला धडकली. १३६ प्रवासी असलेले हे विमान शुक्रवारी सकाळी दुबईसाठी उडाले असता त्याची चाके भिंतीला लागली. सुदैवाने यावेळीही मोठा अपघात टळला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 29, 2018 9:20 am

Web Title: sweden air india plane hits building at stockholm airport no injuries
Next Stories
1 राम मंदिरासाठी कायदा करा; धर्मसंसदेत सरकारला ‘धर्मादेश’
2 ‘बीएसएनएलला विसरुन सरकारची जिओला मदत’
3 जम्मू-काश्मीर: पुलवामा येथील चकमकीत २ दहशतवाद्यांचा खात्मा, शस्त्रास्त्रे जप्त
Just Now!
X