करोनाच्या नव्या विषाणूचा देशात आजवर ३८ लोकांना संसर्ग झाला आहे, अशी माहिती केंद्रीय आरोग्य मंत्रालयाने सोमवारी दिली. करोनाचा हा नवा विषाणू सर्वप्रथम ब्रिटनमध्ये आढळून आला होता, जो पूर्वीच्या करोना विषाणूपेक्षा ७० टक्के अधिक संसर्गजन्य आहे. Total number of persons infected with the new strain of coronavirus in India stands at 38: Ministry of Health — ANI (@ANI) January 4, 2021 आयसीएमआरनं शनिवारी म्हटलं होतं की, "ब्रिटनमध्ये आढळून आलेल्या करोना विषाणूच्या नव्या प्रकाराचं भारताने यशस्वीरित्या 'कल्चर' केलं आहे. 'कल्चर' ही अशी प्रक्रिया आहे ज्यामध्ये पेशी नियंत्रित परिस्थितीत तयार केल्या जातात. विशेषतः त्यांच्या नैसर्गिक वातावरणाबाहेर ही प्रक्रिया केली जाते. ब्रिटनमध्ये समोर आलेल्या विषाणूच्या नव्या प्रकाराला पुण्यातील एनआयव्ही येथे सर्व स्वरुपात यशस्वीरित्या पृथक आणि कल्चर करण्यात आलं आहे. यासाठी ब्रिटनहून भारतात आलेल्या लोकांचे नमुने एकत्रित करण्यात आले होते.