News Flash

Agra blasts: आग्र्यात दोन ठिकाणी स्फोट

आग्रा शहरात शनिवारी सकाळी दोन ठिकाणी स्फोट झाल्याने मोठी खळबळ उडाली आहे.

Two explosions in Agra : आग्रा कॅन्टोनमेंट रेल्वे स्थानकाजवळील एका कचऱ्याच्या ढिगाऱ्यात आणि घराच्या टेरेस अशा दोन वेगवेगळ्या ठिकाणी हे स्फोट झाले आहेत.

आग्रा शहरात शनिवारी सकाळी दोन ठिकाणी स्फोट झाल्याने मोठी खळबळ उडाली आहे. आग्रा कॅन्टोनमेंट रेल्वे स्थानकाजवळील एका कचऱ्याच्या ढिगाऱ्यात आणि घराच्या टेरेस अशा दोन वेगवेगळ्या ठिकाणी हे स्फोट झाले आहेत. या स्फोटांचे नेमके कारण अद्याप स्पष्ट झाले नसले तरी स्फोटांची तीव्रता कमी असल्याचे सांगण्यात येत आहे. या स्फोटात अद्यापपर्यंत कोणीही जखमी झाल्याचे वृत्त नाही.

काही दिवसांपूर्वी आयसिस या दहशतवादी संघटनेने आग्र्यातील ताजमहाल उडवून देण्याची धमकी दिली होती. या पार्श्वभूमीवर आग्र्यात सीमा सुरक्षा दलाचे जवान तैनात करण्यात आले होते. तसेच पोलिसांकडूनही यमुना नदीच्या परिसरात गस्त वाढविण्यात आली होती. दरम्यान, पोलिसांच्या माहितीनुसार पहाटे पाचच्या सुमारास वाजता रेल्वे स्थानकाजवळ असणाऱ्या प्लंबरच्या घरात पहिला स्फोट झाला. त्यानंतर सुमारे पाऊणतासाने स्थानकाच्या परिसरातील कचऱ्याच्या ढिगाऱ्यात दुसरा स्फोट झाला. दरम्यान, आता या घटनेनंतर पोलीस दलातील सर्व वरिष्ठ अधिकारी याठिकाणी दाखल झाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 18, 2017 11:12 am

Web Title: two explosions in agra one in a garbage dumping tractor and the other on the terrace of a house no injuries police at the spot
Next Stories
1 भारताचा कार रेसर अश्विनचा अपघाती मृत्यू
2 … म्हणून राहुल गांधी माझ्यावर चिडतात- दिग्विजय सिंह
3 नव्या राष्ट्रीय आरोग्य धोरणात २००२ सालच्या धोरणाचीच पुनरावृत्ती
Just Now!
X